އޭޕްރިލް 3, 2025

ޕީއެންސީ އިންތިހާބު: ދެ ކެންޑިޑޭޓެއްގެ މެދުގައި ހަމަނުޖެހުން ހިންގައި ވޯޓު ފޮށި ފަޅާލައިފި

ޕީއެންސީގެ އެތެރޭގެ އިންތިހާބުގައި ތ. ކަނޑޫދޫ ދާއިރާއަށް ވާދަކުރެއްވި ދެ ކެންޑިޑޭޓުންގެ މެދުގައި ހަމަނުޖެހުން ހިންގައި ވޯޓު ފޮށި ފަޅާލައިފި އެވެ.

އެ ހަމަނުޖެހުން ހިންގާ ވީޑިއޯ އަދި ވޯޓު ފޮށި ފަޅާލާ މަންޒަރު ފެންނަ ވީޑިއޯ ދަނީ ސޯޝަލް މީޑިއާގައި އާންމުވަމުންނެވެ.

އެ ވީޑިއޯއިން ފެންނަނީ މީހަކު ދުވެފައިގޮސް ވޯޓު ފޮށްޓާ އަރައިހަމަވުމާއެކު، އެހެން މީހަކު އައިސް އޭނާ ހިފަހައްޓަން މަސައްކަތްކުރާ މަންޒަރެވެ. އެ ދެ މީހުން ވެސް އޮޅުލައިގަނެގެން ގޮސް ބިންމައްޗަށް ވެއްޓޭ މަންޒަރު އެ ފެނެއެވެ. ފަހުން އޭގެ ތެރެއިން އެކަކު ވޯޓު ފޮށި ފަޅައިލާ މަންޒަރު ފެނެ އެވެ.

އެނގިފައިވާ ގޮތުގައި މިހަމަނުޖެހުން ހިނގީ ވޯޓާސް ލިސްޓުގައި ނެތް ބަޔަކަށް ވޯޓުލުމުގެ ފުރުސަތު ދިންކަމުގެ ތުހުމަތުގަ އެވެ. އެކަމާ ގުޅިގެން ހަމަނުޖެހުން ހިންގައި ވޯޓު ފޮށި ފަޅާލުމުން ވެސް ވޯޓުލުމުގެ ކަންކަން ވަނީ ކުރިއަށް ގެންގޮސްފަ އެވެ.

ޕީއެންސީގެ އެތެރޭގެ އިންތިހާބުގެ ވޯޓުލުން ކުރިޔަށް ގެންގޮސްފައިވަނީ މިއަދު ހެނދުނު 10:00އިން މެންދުރު ފަހު 14:00ގެ ނިޔަލަށެވެ.

ޖުމުލަ ​​​1984 މަގާމަށް މީހުން އިންތިޚާބު ކުރުމަށް ހަމަޖެހިފައިވާ މި އިންތިޚާބުގައި 648 ކެންޑިޑޭޓުން ވާދަކުރެއެވެ. މީގެތެރެއިން 1300 މަގާމަށް އެންމެ ކެންޑިޑޭޓަކު ކުރިމަތިލާފައިވާތީ އެ 1300 މަގާމަށް ވަނީ އިންތިޚާބަކާ ނުލައި މީހުން ހޮވިފަ އެވެ.

މި އިންތިހާބުގައި ވޯޓް ލުމުގެ ހައްގު ލިބިފައިވާ މީހުންގެ އަދަދު 33،500އަށް އަރައެވެ.

6 Comments

  • Mohamed Firushan ނޮވެމްބަރ 23, 2024

    50/50🔥

  • Tom De Nero ނޮވެމްބަރ 23, 2024

    foshifalhan nikan faritha vaane e party kudhin

    • Key Ayeesha Stone ނޮވެމްބަރ 23, 2024

      Tom De Nero dho

  • Ahan Ahan Ahmed ނޮވެމްބަރ 23, 2024

    Adhi ves haadha naathahuzeeb meehun ves ebaulhey

  • Aminath Shaahidha ނޮވެމްބަރ 23, 2024

    Furathama foshi falhaalan isnegi meehaayah kaaniyaabu vi kamah balaa. Maruhabaa kiyaa

  • Ahmed Midshan ނޮވެމްބަރ 24, 2024

    Cigarette agu boduvegen baigadu sick vefa 😂

Leave a Reply