އޭޕްރިލް 4, 2025

އަލްހާންގެ ސްކީމުގައި ބައިވެރިވި މީހަކަށް 695،000 ރުފިޔާ ދޭން ހުކުމްކޮށްފި

އަލްހާން ފަހުމީ

އަލްހާން ފަހުމީގެ ހިއްސާ އޮންނަ ކުންފުންޏެއް ކަމަށްވާ ކިންގްސް ކެޕިޓަލް ހޯލްޑިންސް ޕްރައިވެޓް ލިމިޓެޑުން ހިންގި ”ކޮޕީ ޓްރޭޑިން ސްކީމް“އަށް އިންވެސްޓް ކުރި މީހަކަށް 695،500 ރުފިޔާ ދިނުމަށް ކިންގްސް ކުންފުނީގެ މައްޗަށް ސިވިލް ކޯޓުން އިއްޔެ ހުކުމްކޮށްފި އެވެ.

އެ ފައިސާ ދޭން ހުކުމް ކޮށްފައިވަނީ މީހާއަކީ އަލްހާންގެ ސްކީމަށް 30،000 ރުފިޔާއަކާއި 100،000 ރުފިޔާ އިންވެސްޓް ކުރި މީހެކެވެ. ނަމަވެސް އެއްބަސްވުމާ އެއްގޮތަށް އޭނާގެ އިންވެސްޓްމެންޓަށް ފައިސާ ލިބިފައިނުވާތީ ރިޒާ ވަނީ ޝަރީއަތުގެ ހަރަދާއެކު 815،500 ރުފިޔާ ކިންގްސް ކުންފުނިން ނަގައިދިނުމަށް އެދިފަ އެވެ.

އެ ދައުވާ ފޯމާ ހަވާލުވެ، ކިންގްސް ކުންފުނީގެ ފަރާތުން ވަނީ އެ މައްސަލަ ބެލުމުގެ އިހުތިސޯސް ސިވިލް ކޯޓަށް ލިބިގެންވާކަމާ މެދު ސުވާލު އުފައްދައިފަ އެވެ. ނަމަވެސް ދައުވާއަށް ރައްދުދީފައެއް ނުވެ އެވެ. ދައުވާއަށް ކިންގްސް ކުންފުނީގެ ފަރާތުން ރައްދުދީފައިނުވާތީ މައްސަލަ ކުރިއަށް ގެންދިޔައީ އެ ކުންފުނީގެ އައިރު ހާޒިރުގަ އެވެ.

ސިވިލް ކޯޓުގައި މި މައްސަލަ ބެލި ގާޒީ އާދަމް ޒާލިމް މައްސަލައިގެ ގޮތެއް ކަނޑައަޅުއްވަމުން ވިދާޅުވީ ދައުވާކުރާ ފަރާތުން ނަގައިދިނުމަށް އެދިފައިވާ 815،000 ރުފިޔާގެ މުއާމަލާތާ މެދު އެއްވެސް ފަރާތުން އިންކާރުކޮށްފައިނުވާ ކަމަށެވެ. ނަމަވެސް އޭގެ ތެރޭގައި ހިމެނޭ ޝަރީއަތުގެ ހަރަދުގެ ގޮތުގައި ބަޔާންކޮށްފައިވާ 120،000 ރުފިޔާ ނަގައިދެވެން ނެތް ކަމަށާއި ސަބަބަކީ އެއީ ހަރަދުކުރި ފައިސާއެއްކަން ސާބިތުކުރުމަށް ދައުވާކުރާ ފަރާތުން ހެކި ހުށަހަޅާފައިނުވާތީ ކަމަށެވެ.

މި މައްސަލައިގައި ގާޒީ ހުކުމްކުރެއްވީ ދައުވާކުރާ ފަރާތުން ކިންގްސް ކުންފުންޏަށް ޖަމާކޮށްފައިވާ 95،000 ރުފިޔާއާއި އިންވެސްޓްމެންޓްގެ ބަދަލުގެ ގޮތުގައި ދިނުމަށް އެއްބަސްވެފައިވާ 600،000 ރުފިޔާއަކީ ކިންގްސް ކުންފުނިން ރިޒާއަށް ދައްކަންޖެހޭ ފައިސާ ކަމަށް ކަނޑައަޅައި އެ ފައިސާ 30 ދުވަހުގެ ތެރޭގައި އެކީ އެއްފަހަރާ ސިވިލް ކޯޓަށް ދައްކައި ހަލާސްކުރުމަށެވެ.

އަދި ދައުވާކުރާ ފަރާތުން ޝަރީއަތުގެ ހަރަދުގެ ގޮތުގައި ނަގައި ދިނުމަށް އެދި 120،000 ރުފިޔާ ނަގައިދެވެން ނެތް ކަމަށް ހުކުމްކުރާ ކަމަށެވެ.

9 Comments

  • Abdulla Rameez ނޮވެމްބަރ 25, 2024

    Ibrahim Zubeen koba Kae ethikolhu

  • Anmadey Ihxan ނޮވެމްބަރ 25, 2024

    Maruhaba Gattu Guetta 😀

    • Gattu Guetta ނޮވެމްބަރ 25, 2024

      Alhan Fahmy kobaahey magey laarikolhu

  • Ahmed Halaf ނޮވެމްބަރ 25, 2024

    Laari meehaku dhinima emyhaa yah geyga ohvaa habaru mi libeny hukumeh kan adhi kurevuny 🤦‍♂️
    Laari dhin meeha avadhi 🪦
    Alhan 💰💸
    Court hukum 📄📃

  • Xain De Pepe ނޮވެމްބަރ 25, 2024

    Bodu vagu dineema noon tah libeynee

  • Xain De Pepe ނޮވެމްބަރ 25, 2024

    Mi kaleyge darani adaanukoh maruvehjeyya!!

  • Jabeen Alifulhu ނޮވެމްބަރ 25, 2024

    Shiruhama Ibrahim libenn jehey ehen meehaku ebahuri dhw..🫢

    • Shiruhama Ibrahim ނޮވެމްބަރ 25, 2024

      Jabeen Alifulhu hehe aan🤣🫣

  • Faaii Ebrahim ނޮވެމްބަރ 25, 2024

    Sinoo Tha himeneythe?

Leave a Reply