އިޒްރޭލުން، ފަލަސްތީނުގައި ހިންގަމުންދާ އަނިޔާވެރިކަމާ އަދި އިންސާނީ ހައްގުތަކާ ހިލާފު ޖަރީމާތަކާ ގުޅިގެން، އިޒްރޭލްގެ ޕާސްޕޯޓުގައި ރާއްޖެއަށް އެތެރެވުން މަނާކުރުމުގެ ކުރިން އެކަމާ މެދު ފަލަސްތީނުން ދެކޭ ގޮތާއި އަރަބި ގައުމުތަކުގެ ލަފައެއް ހޯދަންޖެހޭ ކަމަށް ވެރިކަންކުރާ ޕީއެންސީގެ ޕީޖީ ލީޑަރު އަދި އިނގުރައިދޫ ދާއިރާގެ މެންބަރު އިބްރާހިމް ފަލާހު މިއަދު ވިދާޅުވެއްޖެ އެވެ.
ރައްޔިތުންގެ މަޖިލީހުގެ 241 ކޮމިޓީން މިއަދު ބޭއްވި ޖަލްސާގައި ވާހަކަދައްކަވަމުން ފަލާހު ވިދާޅުވީ އިޒްރޭލު ޕާސްޕޯޓުގެ ކަންކަމާއިމެދު ގޮތެއް ނިންމަންވާނީ ވަރަށް ބޮޑަށް މަޝްވަރާ ކުރުމަށް ފަހުގައި ކަމަށެވެ. އިޒްރޭލު ޕާސްޕޯޓު މަނާކުރުމުގެ ކުރިން، އެކަމުގެ ސަބަބުން ފަލަސްތީނަށް ލިބެން އޮތް ފައިދާއެއް ބެލުން މުހިންމު ކަމަށް ފަލާާހު ވިދާޅުވި އެވެ.
”މި ކަމުގެ ސަބަބުން އެ ބޭފުޅުންނަށް، (ފަލަސްތީނަށް) އެ ގައުމަށް މިކަމުގައި ކިހާ މަންފާއެއް، ފައިދާއެއް ހުރިތޯ ނުވަތަ އެ ބޭފުޅުންނަށް [އިޒްރޭލު ޕާސްޕޯޓު މަނާކުރުމުން] ލިބޭނެ ހިތްހަމަޖެހުމާއި އުފާވެރިކަން އޮތްތޯ “ ފަލާހު ވިދާޅުވި އެވެ.
ފަލާހު ވިދާޅުވީ އިޒްރޭލުގައި ވެސް އެތައް ހާސް މުސްލިމުންނެއް އުޅޭ ކަމަށާއި އެހެންކަމުން މި މައްސަލާގައި ގޮތެއް ނިންމުމުގެ ކުރިން އަރަބި އެހެން ގައުމުތަކުގެ ލަފާ ހޯދުން މުހިންމު ކަމަށެވެ.
މިއަދުގެ ކޮމިޓީ ބައްދަލުވުމުގައި ވަނީ އިޒްރޭލް ޕާސްޕޯޓު މަނާ ކުރުމުގެ ކުރިން ތަފާސްހިސާބު ހޯދުމަށް ފަހު، ރާއްޖެއަށް އައިސްފައިވަނީ ކިހާ އަދަދެއްގެ މީހުންތޯ ބެލުމަށް ނިންމައިފަ އެވެ. ކޮމިޓީން ވަނީ އެ މައްސަލައިގައި ރާއްޖޭގެ ހުރިހާ ސިޔާސީ ޕާޓީތަކާއި ސަރުކާރުގެ ކަމާބެހޭ އިދާރާތަކާއި ޓޫރިޒަމް ދާއިރާގެ ޖަމިއްޔާތަކާ ބައްދަލު ކުރުމަށް ނިންމައިފަ އެވެ.
31 Comments
ގުޅުންހުރި
ޔުމްނު ”ވެއްޓުނު“ ހާދިސާގައި ބޮޑުބޭބެ ކިޔާ ދެ މީހަކު ބައިވެރިވި ކަމަކަށް
ދަންވަރު ކޮމިޓީ ބާއްވައި، ބައި-އިލެކްޝަންސް ނުބާއްވާ ބިލު ފާސްކޮށްފި
ފަނޑިޔާރުންނަށް ޖަވާބުދާރީވުމުގެ ފުރުސަތު ނުދިނުމުން އަލީ ހުސެއިން: އިބިލީހަށް ވެސް އެ
ރަނގަޅަށް މަސައްކަތް ނުކުރެވިގެން މި އުޅެނީ މުވައްޒަފުންގެ ދަތިކަމާހުރެ: ހައިދަރު
ޕަބްލިކް ވޯކްސްއަށް ގެނައި ޑްރެޖަރުތަކާއި ލޭންޑިން ކްރާފްޓުތައް ގެއްލިއްޖެ
މަގޫދޫގައި އެއާޕޯޓެއް އަޅަން ނިންމުމުން މިނިސްޓަރަށް ގޯސްވީ ކުރީ ސަރުކާރު!