ނެޝަނަލް ސޯޝަލް ޕްރޮޓެކްޝަން އެޖެންސީ (އެންސްޕާ)ގެ އޮފީސް ހިންގަން އިމަރާތެއް މަހަކު 580،000 ރުފިޔާއަށް ކުއްޔަށް ހިފައިފައި އެތަން ”އެމްއެމް ޓީވީ“ ހިންގަން ދީފައިވާ ކަމަށް ބުނެ އެންސްޕާއަށް އަމާޒުވަމުންދާ ތުހުމަތުމައް އެ އެޖެންސީން ދޮގުކޮށްފި އެވެ.
އެންސްޕާއިން މިރޭ ނެރުނު ނޫސްބަޔާނެއްގައި ބުނީ އެ އެޖެންސީއާ ގުޅޭ ގޮތުން ބައެއް ނޫސްތަކުން ފަތުރަމުންދަނީ ހަގީގަތާ ހިލާފު ވާހަކަތަކެއް ކަމަށެވެ. އެންސްޕާ ހިންގަން އިމާރާތެއް ހޯދުމުގެ މުއާމަލާތަކީ ފިނޭންސް މިނިސްޓްރީ އާއި އެޖެންސީއާ ދެމެދު އެކަން ކުރުމަށް ކަނޑައެޅިފައިވާ ގަވާއިދާ އުސޫލުގެ ތެރެއިން ކުރެވިފައިވާ މުއާމަލާތެއް ކަމަށާއި އެއީ އާންމު މައުލޫމާތުގެ ގޮތުގައި ހާމަކަން ބޮޑު ގޮތެއްގައި ފިނޭންސް މިނިސްޓްރީގެ މަންސަތަކުގައި ފެންނަން ހުރި މައުލޫމާތު ކަމަށް އެންސްޕާއިން ބުންޏެވެ.
”ރައްޔިތުންގެ އިޖުތިމާއީ ރައްކާތެރިކަމާ ގުޅުން ހުރި މިފަދަ މުއައްސަސާއަކާ ގުޅޭ ގޮތުންނާއި މި މުއައްސަސާގެ މުވައްޒަފުންގެ ނަޒާހަތްތެރިކަމާ މެދުގައި ރައްޔިތުންގެ މެދުގައި ކަންބޮޑުވުމާއި ޝައްކު އުފެދޭ އުފެދޭ ގޮތަށް މައުލޫމާތު ފަތުރަމުން ދިއުން ކުށްވެރި ކުރަމެވެ. މިފަދަ މައުލޫމާތު ފަތުރާ ފަރާތްތަކުގެ ޝަކުވާ ކަމާބެހޭ ފަރާތްތަކަށް ހުށަހަޅާނެ ވާހަކަވެސް ދަންނަވަމެވެ،“ އެންސްޕާއިން ބުންޏެވެ.
އެޖެންސީ ހިންގުމަށް ބޭނުންވާ މުވައްޒަފުން ހޯދާ އެ މުވައްޒަފުންނަށް ޒިންމާތައް ހަވާލުކޮށްފައިވާނީ އެކަމަށް ކަނޑައަޅާފައިވާ އުސޫލުތަކުގެ ތެރެއިން ކަމަށް އެންސްޕާއިން ބުންޏެވެ.

5 Comments
ގުޅުންހުރި
އެންސްޕާ އިން ކުރި ހަރަދު އިތުރުވެއްޖެ، އެކަމަކު ތެރަޕީ ފައިސާކޮޅު ނުލިބި
އިމިގްރޭޝަން ކޮންޓްރޯލާގެ މަގާމަށް ކުރީގެ ޕޮލިސް ކޮމިޝަނަރު ފަސީހު އައްޔަންކުރައްވައިފި
ނޫސްވެރިކަމާއި އިންޓަނެޓް ރެގިއުލޭޓްކުރަން ސަރުކާރުން މަސައްކަތެއް ނުކުރޭ: ހީނާ
އެންސްޕާއާ ގުޅޭ ކޮރަޕްޝަންގެ މައްސަލައެއް އަޅުގަނޑާ ހިސާބަށް އަދި ނާދޭ: ރައީސް
އެންސްޕާ އިން 34.8 މިލިއަން ރުފިޔާއަށް ކުއްޔަށް ހިފި އިމާރާތުގެ އެއްބަސްވުން
ކޯޓަށް ސާބިތު ވެފައިނުވާ ކަމެއްގެ ވާހަކަ މަޖިލީހުގައި ދައްކައިގެންނުވާނެ: އަބްދުއްރަހީމް