ސަރުކާރުގެ ދަނޑުވެރިކަމާ ބެހޭ ކުންފުނި، އެގްރޯ ނެޓް ހިންގުން ހުއްޓާލައިފި

އެގްރޯ ނެޝަނަލް ކޯޕަރޭޝަން (އެގްރޯ ނެޓް) ގެ ވިޔަފާރީތައް ވަގުތީ ގޮތުން ހުއްޓާލައިފި އެވެ.

އެގްރޯ ނެޓް އުފައްދާފައިވަނީ 2020 ވަނަ އަހަރުގަ އެވެ. އެ ކުންފުނީގެ އުފެއްދި މަގުސަދަތުތަކުގެ ތެރެއިގައި ދަނޑުވެރިން ހައްދާތަކެތި މާކެޓް ކުރުމާއި ރާއްޖޭގެ ފުޑް ސެކިއުރިޓީ ކަށަވަރުކުރުން ހިމެނެ އެވެ.

ނަމަވެސް މިއަދު އެ ކުންފުނިން ބުނީ މިދިޔަ ހޮނިހިރު ދުވަހުން ފެށިގެން އެ ކުންފުނިން ދަނޑުވެރިންނާއެކު ކުރަމުންއައި ވިޔަފާރީގެ މުއާމަލާތްތައް ހުއްޓައިލައިފައިވާ ކަމަށެވެ.

އެ ކުންފުނިން ބުނީ އެގްރޯ ނެޓް އުވާލައި އެ ކުންފުނިން ކުރަމުންދިޔަ މަސައްކަތްތައް މޯލްޑިވްސް އިންޑަސްޓްރިއަލް ޑިވެލޮޕްމެންޓް ފްރީ ޒޯން (އެމްއައިޑީއެފްސީޒެޑް) ގެ ދަށަށް ގެންދަން ސަރުކާރުން ނިންމައިފައިވާ ކަމަށެވެ.

އެ ކުންފުނީގެ 182 މުވައްޒަފުން ތިބޭއިރު ރަށްރަށުގައި އެ ކުންފުނީގެ މުވައްޒަފުން މަސައްކަތް ކުރެ އެވެ.