ވަގަށް ނެގި ފޯނުގެ ސިމް ބޭނުންކޮށްގެން ވެރިފަރާތަށް ގުޅައި، ފައިސާއަށް ޑިމާންޑް ކުރަމުންދިޔަ މީހަކު ހައްޔަރުކޮށްފި އެވެ.
އެ މައްސަލައިގައި ހައްޔަރުކޮށްފައިވަނީ 35 އަހަރުގެ ދިވެހި ފިރިހެނެކެވެ.
ފުލުހުން އޭނާ ހައްޔަރުކުރުމަށްފަހު ބަންދާއިދު ގޮތެއް ނިންމުމަށް ކޯޓަށް ހާޒިރުކުރުމުން ވަނީ 10 ދުވަސް ބަންދުގައި ބެހެއްޓުމަށް އަމުރުކޮށްފަ އެވެ.
އެ އަމުރުގައި ބުނީ މީހަކު ގެއްލިގެން ފުލުހުންނަށް ރިޕޯޓްކޮށްފައިވާ ސިމް ބޭނުންކޮށްގެން، އެ މީހާއަށް ގުޅައި، ފައިސާދޭން ބުނެ ވަކި ތަނަކަށް ދާން އެންގި ކަމަށެވެ. އަދި އެ މީހާ ފުލުހުންނަށް އެކަން އެންގިއިރު، ފުލުހުން އެތަނަށް ދިޔައިރު ފޯނު ވަގަށް ނެގި މީހާ އެތަނުގައި ހުރި ކަމަށް ބަންދު އަމުރުގައި ވެއެވެ.
ފުލުހުން ބުނެފައި ވަނީ އޭނާ އަތުގައި އޮތް ފޯނުން، އެ ސިމްކާޑު ފެނުނު ކަމަށެވެ.
މި މައްސަލައާ ގުޅިގެން މި މީހާ ބުނީ އޭނާގެ ރައްޓެއްސަކު ފޯނު ދީފައި މީހަކު އަތުން ފައިސާ ނަގައި ދިނުމަށް އެދުމުން އެތަނަށް އޭނާ ދިޔައީ ކަމަށާއި، މިއީ އޭނާއާ ގުޅުން ހުރި ކަމެއް ނޫން ކަމަށެވެ.

1 Comment
ގުޅުންހުރި
އެއާޕޯޓް ޓާމިނަލް ހަދާ ބިދޭސީންގެ މެދުގައި ބޮޑު މާރާމާރީއެއް، ގިނަ ބަޔަކަށް
ހިތަދޫ އާރިކިޅި ތެރެއިން މަރުވެފައި އޮތް މީހަކު ފެނިއްޖެ
ކުރީގެ އަނބިމީހާއަށް ބިރު ދައްކައި ބްލެކްމެއިލް ކުރުމުގެ ތުހުމަތުގައި މީހަކު ހައްޔަރުކޮށްފި
އީދު ކުލަގަދަކޮށް ފާހަގަކުރުމުގެ އިންތިޒާމުތައް ހަމަޖެއްސި ފަރާތްތަކަށް ރައީސްގެ ޝުކުރު
ކޮފީފުޅި ވަގަށް ނެގި މީހަކު ހަތް ދުވަހަށް، ދަވާދު ދަޅެއް ވަގަށް
ގެއްލިގެން ހޯދަން އިއުލާނު ކުރި މީހަކު ޑްރަގް އެތެރެކުރަނިކޮށް ހައްޔަރުކޮށްފި