އޭޕްރިލް 4, 2025

ކެޓް ޝެލްޓާ ހަދަން ދިޔަ ހަރަދު ދިނުމުން މިނިސްޓްރީއާ އެތަން ހަވާލުކުރާނަން!

ބުޅާ ފެސިލިޓީ ”އޮޅުހިޔާ“ ތަރައްގީކުރީ ސިޓީ ކައުންސިލުގެ ހަރަދުގައިކަމަށްވާތީ، އެ ކަމަށް ހޭދަވި ފައިސާ ދިނުމުން އެތަން އެނިމަލް ވެލްފެއާ މިނިސްޓްރީއާ ހަވާލުކުރަން މާލޭ ސިޓީ ކައުންސިލުން މިއަދު ނިންމައިފި އެވެ.

އެނިމަލް ވެލްފެއާ މިނިސްޓްރީން އިއްޔެ ސިޓީ ކައުންސިލަށް ފޮނުވި ސިޓީއެއްގައި ބުނެފައިވަނީ ސިޓީ ކައުންސިލުން ބުޅާ ފެސިލިޓީގައި ހަމަޖައްސާފައިވާ އިންތިޒާމުތަކާމެދު ކަންބޮޑުވާ ކަމަށެވެ. އެހެންވެ ބުޅާޅާ ފެސިލިޓީ ކައުންސިލުން ވަކިކޮށް ސަރުކާރަށް ނަގަން ރައީސް ޑރ. މުހައްމަދު މުއިއްޒު ނިންމަވައިފައިވާ ކަމަށެވެ. އެހެން ކަމުން އެކަމާމެދު މަަޝްވަރާ ކުރުމަށް ބާއްވާ ބައްދަލްވުމުގައި ބައިވެރިވެވަޑައިގަތުމަށް މާލޭގެ މޭޔަރު އާދަމް އާޒިމް ކިބައިން ވަނީ އެދިވަޑައިގެންފަ އެވެ.

ސިޓީ ކައުންސިލުން މިއަދު ބޭއްވި އެ ކައުންސިލްގެ ބައްދަލުވުމުގައި އާޒިމް ވިދާޅުވީ ބުޅާ ފެސިލިޓީ ތަރައްގީ ކުރީ އެ ކައުންސިލުން ވަރަށް ބޮޑު ހަރަދުތަކެއް ކޮށްގެން އެތަނުގެ މުވައްޒަފުން ވަރަށް ގިނަ އަދި ބުރަ މަސައްކަތްތަކެއް ކޮށްގެން ކަމަށެވެ. އަދި އެތަން މިނިސްޓްރީއާ ހަވާލުކުރަން އެންގީ މާލޭގައި އުޅޭ ބުޅާތައް އެތަނަށް ގެންދަން ހުރިހާ ތައްޔާރީތަކެއް ކައުންސިލުން ވެފައިވަަނިކޮށް ކަމަށެވެ.

”ކުރި ހަރަދު ވެސް އަޅުގަނޑުމެންނަށް ލިބެން އެބަޖެހޭ. އެއީ މިތަނުގެ ބަޖެޓުން އެކަން ކުރީ. އެއްވެސް ބަޖެޓެއް މިތަނަކަށް ނުލިބޭ އެކަން ކުރާކަށް. ފުލީ، މިތާ ބަޖެޓުން ހުރިހާ ކަމެއް ކުރީ މިތާ މުވައްޒަފުން ހުރިހާ ކަމެއް ކުރީ. ފެސިލިޓީ ރެޑީކޮށްފައި ހުރީ. މިހާރު ބުޅާ ގެންދެވޭނެ. މިހާރު އެތާ ބުޅާ ބޭތިއްބޭނެ.،“ މޭޔަރު ވިދާޅުވި އެވެ.

”އަޅުގަނޑު ދެކޭގޮތުގައި މާލެ ތެރޭ އުޅޭ ބުޅާތައް މާލެ ތެރެ ނަޖިސްކޮށް ރައްޔިތުން ވޭނުގައި އުޅޭއިރު، އަޅުގަނޑުމެން ބޮޑު ހަރަދުކޮށް މިތަން ހެދީމާ އެތަނަށް ބުޅާތައް ނުގެންގޮސް ހުރުމަކީ ވަރަށް ޒިންމާދާރުކަން ކުޑަކަމެއްގެ ގޮތުގައި ދެކެނީ،“

އާޒިމް ވިދާޅުވީ ބުޅާ ފެސިލިޓީގައި ފުރަތަމަ ހަދަން ނިންމީ ދިހަ ގޮޅިއާއެކު އެތަނުގައި ވެޓިނަރީ ކްލިނިކެއް ހުންނަ ގޮތަށް ކަމަށާއި، ނަމަވެސް ކުލިނިކެއް އެޅުމަށް ވަގުތު ނަގާތީ އެ ތަނުގައި 2،000 އަކަފޫޓުގެ އިތުރު ތިން ގޮޅި ހެދުމަށް ކައުންސިލުން އެއްބަަސްވީ ކަމަށެވެ.

ބުޅާ ފެސިލިޓީގެ މަސައްކަތް ކައުންސިލުން ކުރަމުންދިޔައިރު މިނިސްޓްރީން ދިޔައީ ތަކުރާރުކޮށް އަައު ކަންކަން ހުށަހަޅުން ކަމަށާއި ނަމަވެސް ކައުންސިލުން ވަނީ އެ ހުރިހާ ކަމަކަށް އެޓެންޑުވެހުރިހާ ކަމެއް ހަމަޖައްސައިދީފައި ކަމަށް އާޒިމް ވިދާޅުވި އެވެ. އެތަނަށް ބޭނުންވާ ވެޓުވެސް ވަޒީފާއަށް ނަގައި، ކޮށިތައްވެސް ހޯދައި ބުޅާތަކަށް ބޭނުންވާ ކާނާގެ ކަންކަން ހަމަޖައްސައި، އެތަނަށް ބުޅާ ގެންދިއުމުގެ ހުރިހާ އިންތިޒާމެއް ހަމަޖައްސާފައިވާނެ ކަމަށް ވެސް އާޒިމް ވިދާޅުވި އެވެ.

އާޒިމް ވިދާޅުވީ މާލެ ތެރެ ބުޅަލު ނަޖިހުން ތަތްތެޅިފައި އޮތުމަށް ދޫނުކުރެވޭނެ ކަމަށެވެ. ނަމަވެސް އެ ފެސިލިޓީ އެޅީ ސަރުކާރުން އެއްވެސް ފައިސާއެއް ނުލިބި ކައުންސިލުގެ ބަޖެޓުންކަން ފާހަގަކުރައްވައި އާޒިމް ވިދާޅުވެފައިވަނީ އެތަން ކައުންސިލުން ދޫކޮށްލެވޭނީ އެކަމަށް ހިނގި ހަރަދު ލިބުމުން ކަމަށެވެ.

މޭޔަރުގެ ވާހަކަފުޅުތަކަށްފަހު މާލެ ސިޓީގެ ޑެޕިއުޓީ މޭޔަރު އަހްމަދު ނަރީޝް ވިދާޅުވީ ކެބިނެޓުން ނިންމާފައިވަނީ އެ ފެސިލިޓީއަކީ ދާއިމީ ތަނަކަށް ހެދުމަށް މިނިސްޓްރީގެ ދަށަށް ބުޅާ ފެސިލިޓީ ބަދަލުކުރަން ކަމަށެވެ. އެހެންކަމުން ކައުންސިލުން ކުރި ހަރަދު އަނބުރާ ލިބޭ ގޮތަށް އެތަން މިނިސްޓްރީއާ ހަވާލުކުރަން އޭނާަ ހުށަހެޅުއްވި އެވެ.

ކައުންސިލުގެ ބައްދަލުވުމުގައި ބައިވެރިވެވަޑައިގެންނެވި ހުރިހާ މެންބަަރުންގެ އިއްތިފާގުން ނަރީޝް ހުށަހެޅުއްވި ގޮތަށް ކައުންސިލުން ކުރި ހަރަދު އަނބުރާ ދިނުމުން ފެސިލިޓީ މިނިސްޓްރީއާ ހަވާލުކުރަން މިއަދުވަނީ ފާސްކޮށްފަ އެވެ.

6 Comments

  • Jack Depirate ޑިސެމްބަރ 4, 2024

    Komme kamakun vx mi balanii knmes kahala vakkameh kolleveytho. Knmehen maa dhirey ehchessaa thimaavettah loebbeh ovegen ulhey aalaaivareh noon thiikii

    • Sima Abdul Raheem ޑިސެމްބަރ 5, 2024

      Jack Depirate thibunee hama v bodu thedheh

  • Raz Usman ޑިސެމްބަރ 4, 2024

    Alun thithan hulhuvan gedhan vee Sajida

  • Ammadey Abraham ޑިސެމްބަރ 4, 2024

    Bafaakashavaru noon meehakah verikan libuneema vaane haethi mivanee

  • Sima Abdul Raheem ޑިސެމްބަރ 5, 2024

    Good

Leave a Reply