އެމްޑީޕީން މި މަހުގެ 10 ވަނަ ދުވަހުގެ ރޭ ބާއްވާ ބޮޑު ޖަލްސާއަށް މަސްވެރިންނަށް ދައުވަތު ދީފައިވަނިކޮށް ރައީސް ޑރ. މުހައްމަދު މުއިއްޒު ކެޔޮޅުންނާ ބައްދަލު ކުރައްވައިފި އެވެ.
އެ ބައްދަލުވުން ބާއްވާފައިވަނީ މިއަދު ރައީސް އޮފީހުގަ އެވެ.
ރައީސް އޮފީހުން މިއަދު ބުނީ އެ ބައްދަލުވުމުގައި މަސްވެރިކަމުގެ ސިނާއާތުގައި ރަނގަޅުކުރަން ބޭނުންވާ ކަންކަމާއި އެ ސިނާއަތުގައި ހުރި ކަންބޮޑުންވުންތައް ކެޔޮޅުން ރައީސްއާ ހިއްސާ ކުރި ކަމަށެވެ. އަދި މަހުގެ އަގު ދަށްކަމާއި ފައިސާއާއި ތެޔޮ ލިބުމުގައި ހުރި ދަތިތަކާއި މަސްކިރުމުގައި ހުރި ގޮންޖެހުންތައް ވެސް ކެޔޮޅުން ހިއްސާ ކުރި ކަމަށްވެސް ބުންޏެވެ.
ރައީސް އޮފީހުން ބުނީ، މިއަދުގެ ބައްދަލުވުމުގައި ޓެކްނޮލޮޖީގެ އެހީގައި މަސްވެރިކަމުގެ ސިނާއަތް ޒަމާނީ ފެންވަރުގައި ކުރިއެރުވުމަށް ކުރެވިދާނެ ކަންކަމާއި މަސްވެރިކަމުގެ މާކެޓް އިތުރުކޮށް، މަހުގެ ފެންވަރު ނުވަތަ ކޮލިޓީ ރަނގަޅުކުރުމަށް ކުރެވިދާނެ ކަންކަމާ ގުޅޭގޮތުން ކެޔޮޅުން ރައީސްއާ މަޝްވަރާ ކުރެއްވި ކަމަށެވެ.
އަދި ސަރުކާރުން މަސްވެރިންނާއި ކެޔޮޅުންނާ ގާތުން، އެ މީހުންގެ ކަންބޮޑުވުންތަކަށް ހައްލު ލިބޭނެ ގޮތަށް މަސައްކަތް ކުރައްވާނެ ކަމަށް ރައީސް ވިދާޅުވި ކަމަށްވެސް ރައީސް އޮފީހުން ބުންޏެވެ.
”އަދި ބައްދަލުކުރެއްވުމުގައި ފާހަގަކުރެއްވި ކަންކަން، ވަރަށް ސީރިއަސް ގޮތެއްގައި ބައްލަވައި، އެ ކަންކަމަށް އަވަސް ފިޔަވަޅުތަކެއް އެޅުއްވުމަށް މަސައްކަތްޕުޅު ކުރައްވާނެ ކަމުގައި އެމަނިކުފާނު ވިދާޅުވި އެވެ. އަދި މިއަދު ކުރިއަށްދިޔަ ފަދަ ބައްދަލުވުންތައް ގިނަ ގިނައިން ބޭއްވެވުމަށް މަސައްކަތްޕުޅު ކުރައްވާނެ ކަމުގައިވެސް އެ މަނިކުފާނު ވިދާޅުވި އެވެ،“ ރައީސް އޮފީހުން ބުންޏެވެ.
4 Comments
ގުޅުންހުރި
ދޮންބަންޑާރައިގެ ޖިހާދާއި ރީތި އަހުލާގަކީ އެންމެ އަގުހުރި ފިލާވަޅު: ރައީސް
ޗައިނާގެ ސަފީރު ކޮށްދެއްވި ހިދުމަތްތަކަށް ރައީސް ޝުކުރު އަދާކުރައްވައިފި
ހުޅުމާލެ ފަޅުތެރެއިން ފެނުނީ މަޑުއްވަރީ މަސްވެރިއެއްގެ ހަށިގަނޑު!
ރިހެބިލިޓޭޝަން ޕްރޮގްރާމްތައް ފުރިހަމަކުރުމުން ހުކުމަށް ލުޔާއި މާފުދޭން ނިންމައިފި
އަލަށް ރިޓަޔާކުރާ މީހުންނަށް ޕެންޝަން ނުދިނުމަށް ނިންމި ނިންމުން ބަދަލުކޮށްފި
ނުރަސްމީ ދަތުރުފުޅަށްފަހު ރައީސްގެ ދެކަނބަލުން ރާއްޖެ ވަޑައިގެންފި