ގަލޮޅު ސަހަރާގައި ހުރި ބައެއް ގަބުރުތައް ނަގަން ނިންމައިފި އެވެ.
މާލޭ ސިޓީ ކައުންސިލުން އިއްޔެ ކުރި އިއުލާނެއްގައި ބުނީ، އެ ސަހަރާގައި ކުރަމުން އަންނަ މަސައްކަތްތަކާ ގުޅިގެން، އެ ސަހަރާގެ ހުޅަނގު އުތުރު ފަރާތާއި އިރު ދެކުނު ފަރާތުގައި ހުރި މިނި ކަށިތައް ނަގަން ބޭނުންވާ ކަމަށެވެ. ސިޓީ ކައުންސިލުން ބުނީ އެ ތަންތަނުގައި ހުރި މަހާނަ ގާތައް ނަގަން ބޭނުންވާ ކަމަށެވެ.
މަހާނަ ގާތައް ޖަހާފައިވާ މީހުން އެ ގާތައް ނަގައިގެން ގެންދަން ބޭނުންވާ ނަމަ ސިޓީ ކައުންސިލާ ގުޅިގެން މި މަހުގެ 15 ގެ ކުރިން އެ މަސައްކަތް ކުރެވެން ހުންނާނެ ކަމަށް ސިޓީ ކައުންސިލުން ބުންޏެވެ. އެ މުއްދަތުގައި ނުނަގާ މަހާނަ ގާތައް، ސިޓީ ކައުންސިލްގެ ފަރާތުން ނެގުމަށް ފަހު، ނައްތާލާނެ ކަމަށް ސިޓީ ކައުންސިލުން ބުންޏެވެ.
ގަލޮޅު ސަހަރާގައި މީހުން ވަޅުލަނީ ވަރަށް މަދުންނެވެ. އެކަމަކު، އެ ސަހަރާގެ ބިން ވެސް އޮތީ ފުރިފަ އެވެ. މި މަހާނަ ގާތައް ނަގަނީ ސީދާ ކޮން މަސައްކަތެއް ކުރުމަށް ކަމަށް ސިޓީ ކައުންސިލުން އަދި ނުބުނެ އެވެ.
ޕާކިން ޒޯނެއް ހެދުމުގެ ބޭނުމުގައި މާފަންނު ސަހަރާގެ ހުރިހާ މަހާނަ ގާތަކާއި މިނި ކަށިތައް ނަގައި، އެ ބިން އެއްކޮށް ހުސްކުރުމުގެ މަސައްކަތް ވެސް ސިޓީ ކައުންސިލުން ދަނީ ކުރަމުންނެވެ.

2 Comments
ގުޅުންހުރި
އެހެން މަގާމަކަށް ވަޑައިގަތުމަށް މާލޭގެ ޑެޕިއުޓީ މޭޔަރު ނަރީޝް އިސްތިއުފާ ދެއްވައިފި
ސަލްޓަން ޕާކު މަރާމާތު ކޮށްދޭނެ ބަޔަކު ހޯދަން ސިޓީ ކައުންސިލުން އިއުލާންކޮށްފި
ރަސްފަންނާއި ސަލްޓަން ޕާކުގެ މަރާމާތު މަސައްކަތް ފަށަން ވަނީ ތައްޔާރުވެފަ: ކައުންސިލް
ހުއްދަ ނުހޯދައި ފާރު ތަޅާ މީހުންނަށް ފިޔަވަޅު އަޅަނީ
މާލެ ސިޓީ ކައުންސިލަށް ފުރަތަމަ ފަހަރަށް އިންޓާނަލް އޮޑިޓަރަކު ހަމަޖައްސައިފި
ކެޓް ޝެލްޓާ ހަދަން ދިޔަ ހަރަދު ދިނުމުން މިނިސްޓްރީއާ އެތަން ހަވާލުކުރާނަން!