ރާއްޖެއަށް، ޗާގޯސް ލިބުން ހައްގުކަން ބޮޑު ކަމަށް ބުނެ ރައީސް ޑރ. މުހައްމަދު މުއިއްޒު، އިނގިރޭސިވިލާތުގެ ސަރުކާރަށް ފޮނުވި ސިޓީ ސިއްރުކޮށްފި އެވެ.
މިއަހަރުގެ ޖުމްހޫރީ ދުވަހުގެ ރަސްމީ ޖަލްސާގައި ވާހަކަފުޅު ދައްކަވަމުން ރައީސް ވިދާޅުވެފައިވަނީ ޗާގޯސްގެ ސިޔާދަތީ ބާރު، މޮރިޝަސްއަށް ދިނުމުަށް އިނގިރޭސިވިލާތުން މަސައްކަތް ކުރަމުންދާތީ ރާއްޖެއިން ވާނީ ޗާގޯސް ލިބުން އެންމެ އައުލާވެގެންވަނީ ރާއްޖެއަށް ކަމަށް ވިދާޅުވެ ރަސްމީ ސިޓީއެއް އެ ގައުމުގެ ބޮޑުވަޒީރަށް ފޮނުވައިފައި ކަމަށެވެ.
މައުލޫމާތު ހޯދާ ލިބިގަތުމުގެ ގާނޫނުގެ ދަށުން ”އަދަދު“ ނޫހުން ވަނީ އެ ސިޓީގެ ކޮޕީ، އަދި ފޮނުވި ލިޔެކިޔުންތަކާއި، އެ ސިޓީއަށް ޔޫކޭ ސަރުކާރުން ޖަވާބެއް ލިބިފައިވާނަމަ އެ ޖަވާބުގެ ކޮޕީ ހޯދަން ހުށަހަޅައިފަ އެވެ.
މަހޯލި ޕޯޓަލް މެދުވެރިކޮށް ނޮވެމްބަރު 12، ގައި ހުށަހެޅި ހުށަހެޅުމަށް ގާނޫނުގައި ބުނާ 21 ދުވަހުގެ ތެރޭގައި ޖަވާބު ނުދީ، މުއްދަތު އިތުރު ކުރުމަށް ފަހު، އެދިފައިވާ މައުލޫމާތު ދެވެން ނެތް ކަމަށް އެންގީ ބުރާސްފަތި ދުވަހު އެވެ.
ނަމަވެސް އެ މައުލޫމާތު ފޯރުކޮށްދެވެން ނެތް ކަމަށް ރައީސް އޮފީހުން ވަނީ ”އަދަދު“ ނޫހަށް އަންގައިފަ އެވެ. ސަބަބެއް ކަމަށް ބުނީ އެ މައުލޫމާތު ހާމަކޮށްފިނަމަ ސަރުކާރުގެ ސިޔާސަތު އެކުލަވާލުމަށް ހުރަސް އެޅޭނެތީ ކަމަށެވެ.

ގުޅުންހުރި
ރައީސްގެ ޔޫކޭ ދަތުރުފުޅު: ލިވަޕޫލްގެ ފުޓްބޯޅަ އެކެޑަމީއެއް ރާއްޖޭގައި ހަދަން މަޝްވަރާ
ސިނގިރޭޓު ވިއްކާ ފަރާތްތަކަށް ރައީސް: ތިއީ ކުރާވަރުގެ ކަމެއް ނޫން، އެހެންކަމަކާ
އޯޓިޒަމް ހުންނަ ކޮންމެ ކުއްޖަކީ މޮޅު ކުއްޖެއް، އެ ކުދީންނަށް ލޯބިދިނުމަކީ
ލިވަޕޫލް އާއެކު ހިންގާ ކެމްޕެއިން ރަސްމީކޮށް އިއުލާން ކުރުމަށް ރައީސް ޔޫކޭއަށް
ރާއްޖޭގެ މިނިވަންކަން ގާއިމުކުރަން ހިންގާ މަޝްރޫއުތަކުގެ އަގު 100 މިލިއަން ޑޮލަރަށް
އީދު ކުލަގަދަކޮށް ފާހަގަކުރުމުގެ އިންތިޒާމުތައް ހަމަޖެއްސި ފަރާތްތަކަށް ރައީސްގެ ޝުކުރު