ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) ގެ މެނޭޖިން ޑިރެކްޓަރު ފަޒުލް ރަޝީދުގެ ބޭބެ ހިމެނޭ ގޮތަށް ބަޔަކަށް ބިންވެރިޔާ ސްކީމްގެ ބޭރުން ހުޅުމާލެއިން ގޯތިތަކެއް ދޫކުރި ކަމަށް ބުނާ މައްސަލައެއް ފެންމަތިވެ، އެޗްޑީސީން ކުއްލި ޕްރެސްއެއް ބާއްވަން ތައްޔާރުވެއްޖެ އެވެ.
މިކަން ފަޅާއެރީ ބިންވެރިޔާ ސްކީމުގެ ދަށުން ގޯއްޗަށް ޝަރުތު ހަމަނުވާ ދެ ބިމެއްގެ އިންފާރު ރޭނުމުގެ ހުއްދައަށް އެޗްޑީސީން މިދިޔަ ޖުލައި މަހު ހައުސިން މިނިސްޓްރީގައި އެދުމުންނެވެ. ނަމަވެސް އެ ސިޓީގެ ޖަވާބުގައި ހައުސިން މިނިސްޓްރީން އެޗްޑީސީއަށް ފޮނުވި ސިޓީގައި ބުނެފައިވަނީ އެ މީހުންނަކީ ބިންވެރިޔާ ސްކީމްގެ ދަށުން ގޯތި ހޯދަން އެދުނު ބައެއް ނޫން ކަމަށެވެ.
ސޯޝަލް މީޑިއާގައި އާންމުވެފައިވާ ސިޓީގައިވާ ގޮތުން ގޯތީގައި ފާރު ރޭނުމުގެ ހުއްދަ އަށް އެދިފައިވަނީ އެޗްޑީސީގެ މެނޭޖިން ޑިރެކްޓަރު ފަޒުލް ރަޝީދުގެ ބޭބެ މުހައްމަދު ފަޒީލް ރަޝީދާއި އަބްދުލްމަޖީދު މާހިރު ކިޔާ ދިއްދޫ މީހަކަށެވެ.
އެ މައްސަލައާ ގުޅިގެން ފުލުހުންގެ ފޮރެންސިކް ޓީމެއް މިއަދު ވަނީ އެ މައްސަލަ ބަލަން ފަށައިފަ އެވެ.
އެ މައްސަލަ ފެންމަތިވުމުން އެޗްޑީސީން ވަނީ މިއަދު 7:30 ގައި ކުއްލި ޕްރެސް ކޮންފަރެންސެއް ބާއްވަން ނިންމައި އެކަން ރައީސް އޮފީސް މެދުވެރިކޮށް މީޑިއާތަކަށް އަންގައިފަ އެވެ. ނަމަވެސް ބްރިޖު ބްލޮކް ވެގެން ޕީއެސްއެމްގެ ލައިވް ކުރޫއަށް އެޗްޑީސީއަށް ދެވޭ ގޮތް ނުވެގެން ޕްރެސް ކޮންފަރެންސް ވަނީ މިރޭ 8:30 އަށް ފަސްކޮށްފަ އެވެ.

1 Comment
ގުޅުންހުރި
އީދު ކުލަގަދަކޮށް ފާހަގަކުރުމުގެ އިންތިޒާމުތައް ހަމަޖެއްސި ފަރާތްތަކަށް ރައީސްގެ ޝުކުރު
ވަގު ގޯތި މައްސަލަ: ފަޒުލްއާއި ފަޒީލު ހިމެނޭހެން އެންމެންގެ ޕާސްޕޯޓު ދޫކޮށްލައިފި
އެޗްޑީސީގެ ޗެއާމަނަކަށް ހުންނެވި ނާސިފް 4 މަސް ފަހުން މަގާމުން ވަކިކޮށްފި
އެޗްޑީސީގެ ސީއެފްއޯ އާއި އިތުރު ވެރިއަކު ވަކިކޮށްފި
ފަޒުލްގެ ގެއިން ފެނުނު 1.4 މިލިއަން ރުފިޔާ އަނބުރާ ހަވާލުކޮށްފި
އަކްރަމްގެ ޕާސްޕޯޓް ހިފެހެއްޓި މައްސަލަ ހައިކޯޓަށް ހުށަހަޅަައިފި