އަމިއްލަ ބޭބެ، މުހައްމަދު ފަޒީލް ރަޝީދު ވަގު ލިޔުމެއް ހުށަހެޅިކަން ހައުސިން މިނިސްޓްރީން ކަށަވަރުކޮށް ދިނުމުންވެސް އެ މައްސަލަ ފުލުހަށް ހުށަނޭޅީ ކީއްވެތޯ ނޫސްވެރިން ތަކުރާރުކޮށް ސުވާލު ކުރުމުންވެސް އެ ސުވާލަށް އެޗްޑީސީގެ މެނޭޖިން ޑިރެކްޓަރު އިބްރާހިމް ފަޒުލް ރަޝީދު ޖަވާބު ނުދެއްވި އެވެ.
މި މައްސަލަ ފެންމަތިވީ ކުރީގެ ރައީސް އިބްރާހިމް މުހައްމަދު ސޯލިހުގެ ސަރުކާރުން މާލޭ މީހުންނަށް ގޯތި ދޭން ހިންގި ބިންވެރިޔާ ސްކީމުގެ ދަށުން ހުޅުމާލެ އިން ގޯއްޗެއް ލިބިފައިވާ ކަމަށް ބުނެ، އެ ގޯތީގެ ވަށާފާރު ރޭނުމަށް ދެ މީހަކު އެޗްޑީސީއަށް ހުއްދައަށް ހުށަހެޅުމުންނެވެ.
ގޯތީގައި ފާރު ރޭނުމުގެ ހުއްދަ އަށް އެދިފައިވަނީ ފަޒުލްގެ ބޭބެ ފަޒީލް އާއި އަބްދުލްމަޖީދު މާހިރު ކިޔާ ދިއްދޫ މީހެކެވެ. އެހެންވެ އެ ގޯތި ލިބިފައިވަނީ ކާކަށްތޯ ބެލުމަށް އެޗްޑީސީން 24 ޖުލައި 2024 ގައި ހައުސިން މިނިސްޓްރީއަށް ސިޓީއެއް ފޮނުވި އެވެ.
އެ ސިޓީގެ ޖަވާބުގައި ހައުސިން މިނިސްޓްރީން 15 އޮގަސްޓް 2024 ގައި ފޮނުވި ސިޓީގައި ބުނެފައިވަނީ ގޯތީގެ ފާރު ރޭނުމަށް އެދިފައިވާ ދެ މީހުންނަކީވެސް ބިންވެރިޔާ ސްކީމުން ގޯއްޗަށް އެދިފައިވާ ބައެއް ނޫން ކަމަށެވެ. އަދި ފާރު ރާނަން އެދިފައިވާ ގޯއްޗަކީ މިނިސްޓްރީން އެއްވެސް މީހަކާ ހަވާލުކޮށްފައިނުވާ ގޯއްޗެއް ކަމަށްވެސް އެ ސިޓީގައި ބުނެފައިވެ އެވެ.
އެ މައްސަލަ ސޯޝަލް މީޑިއާގައި ފެންމަތިވުމުން އެޗްޑީސީގެ މައި އިދާރާގައި މިރޭ ކުއްލި ގޮތަކަށް ބޭއްވި ނޫސްވެރިންގެ ބައްދަލުވުމުގައި ނޫސްވެރިން ވަނީ ފަޒުލްގެ ބޭބެ ހުށަހަޅާފައިވަނީ ސައްހަ ނޫން ލިޔުމެއްކަން ހައުސިން މިނިސްޓްރީން ޔަގީންކޮށްދޭ އިރުވެސް އެ މައްސަލަ ފުލުހަށް ހުށަހަޅާފައިވޭތޯ އާއި ހުށަހަޅާފައިނުވާ ނަމަ އެއީ ކީއްވެތޯ އެވެ.
އެ ސުވާލުތަކުގެ ޖަވާބުގައި ފަޒުލް ވިދާޅުވީ، އެ މައްސަލަ ފުލުހަށް ހުށަހަޅާފައި ނުވާނެ ކަމަށެވެ. އަދި އެ މައްސަލަ ހުށަހަޅާފައި ނުވަނީ ’އިތުރު ޕްރޮސެސްތަކެއް ކުރިއަށް ގެންދަންޖެހޭތީ‘ ކަމަށާއި ’ރިޕޯޓް ކުރެވޭނީ ޖުމުލަ މައްސަލަ ބެލުމަށްފަހު‘ ކަމަށް ވިދާޅުވެފަ އެވެ.
ނޫސްވެރިންގެ ބައްދަލުވުމުގައި ފަޒުލް ވަނީ ފެންމަތިވެގެން އުޅޭ މައްސަލައަކީ އޭނާގެ ލޭ ހިނގާ މީހެއްގެ މައްސަލައެއް ނަމަވެސް އެ މައްސަލައިގައި އޭނާ މަގާމުން އެކަހެރިވާންޖެހޭ ސަބަބެއް ނެތް ކަމަށެވެ.
”މި މައްސަލައިގައި އަޅުގަނޑުގެ ކޮންފްލިކްޓް އޮފް އިންޓްރެސްޓްއެއް ނުވޭ. އެކަން ނުވާކަމުގެ ހެއްކެއްގެ ގޮތުގައި މި ދެންނެވީ މިކަން އަޅުގަނޑުމެން އިނީޝިއޭޓް ކޮށްފައި އޮތްކަން،“ ފަޒުލް ވިދާޅުވި އެވެ.
20 Comments
ގުޅުންހުރި
އީދު ކުލަގަދަކޮށް ފާހަގަކުރުމުގެ އިންތިޒާމުތައް ހަމަޖެއްސި ފަރާތްތަކަށް ރައީސްގެ ޝުކުރު
ވަގު ގޯތި މައްސަލަ: ފަޒުލްއާއި ފަޒީލު ހިމެނޭހެން އެންމެންގެ ޕާސްޕޯޓު ދޫކޮށްލައިފި
އެޗްޑީސީގެ ޗެއާމަނަކަށް ހުންނެވި ނާސިފް 4 މަސް ފަހުން މަގާމުން ވަކިކޮށްފި
އެޗްޑީސީގެ ސީއެފްއޯ އާއި އިތުރު ވެރިއަކު ވަކިކޮށްފި
ފަޒުލްގެ ގެއިން ފެނުނު 1.4 މިލިއަން ރުފިޔާ އަނބުރާ ހަވާލުކޮށްފި
އަކްރަމްގެ ޕާސްޕޯޓް ހިފެހެއްޓި މައްސަލަ ހައިކޯޓަށް ހުށަހަޅަައިފި