ސަރުކާރުގެ މައި ހޮސްޕިޓަލް ކަމަށްވާ އައިޖީއެމްއެޗުން، ހައުސިން މިނިސްޓްރީއަށް 100 ޑަސްބިން މިއަދު ހަދިޔާ ކޮށްފި އެވެ.
އައިޖީއެމްއެޗުގެ ފަރާތުން ޑަސްޓްބިންތައް ހައުސިން މިނިސްޓްރީއާ ހަވާލުކޮށްދެއްވީ މާލެ ސިޓީ ގްރޫޕް އޮފް ހޮސްޕިޓަލްގެ ސީއީއޯ އިބްރާހިމް އަބްދުއް ރައްޒާގް ހަލީމް އެވެ. ޑަސްބިންތަކާ ހައުސިން މިނިސްޓްރީގެ ފަރާތުން ހަވާލުވެލެއްވީ މިނިސްޓަރު ޑރ. އަލީ ހައިދަރު އެވެ.
މީގެ އިތުރުން އައިކެއާ އޮޕްޓިކަލްގެ ފަރާތުން ހައުސިން މިނިސްޓްރީއަށް މިއަދު 100 ނޯޓު ފޮޓް ހަދިޔާކޮށްފަ އެވެ.
އައިޖީއެމްއެޗާއި އައިކެއާއިން ހައުސިން މިނިސްޓްރީއަށް ދިން އެހީތެރި ކަމަށް އެ މިނިސްޓްރީން ވަނީ ޝުކުރު އަދާކޮށްފަ އެވެ.
ހައުސިން މިނިސްޓްރީއަށް އެކި ތަކެތި ހަދިޔާ ކުރަން ފަށާފައި މިވަނީ ޑިސެމްބަރު 11، ގައި އެ މިނިސްޓްރީ ހިންގަމުންދިޔަ އިމާރާތުގައި އަލިފާނުގެ ހާދިސާއެއް ހިނގައި އެއްކޮށް އަނދައި ހުލިވުމާ ގުޅިގެންނެވެ.
އެ އަލިފާނުގެ ހާދިސާގައި ހައުސިން މިނިސްޓްރީގެ އިތުރުން ކޮންސްޓްރަކްޝަން މިނިސްޓްރީ އާއި އެންވަޔަރަމަންޓް މިނިސްޓްރީ ހިންގަމުންދާ އިމާރާތް އެއްކޮށް އަނދައި ހުލިވެ، އެ މިނިސްޓްރީ ތަކުގައި ހުރި މުހިންމު ލިޔުންތައް ވަނީ ގެއްލިފަ އެވެ.
އެ ތިން މިނިސްޓްރީ ވެސް ވަގުތީ ގޮތުން މިހާރު ހިންގަމުން އަންނަނީ ދަރުބާރުގޭގަ އެވެ.
8 Comments
ގުޅުންހުރި
ފިހުނު ދެމަފިރިންނަށް ފަރުވާ ދިނުމަށް އިންޑިއާގެ ޓީމެއް ރާއްޖެ އަތުވެއްޖެ
ހައުސިން މިނިސްޓްރީ އުވާލުމުން ބައެއް މުވައްޒަފުން ދޫކޮށްލަން ޖެހިދާނެކަން އަންގައިފި
ވަގުތީ ގޮތުން މިނިސްޓްރީތައް ހިންގާނީ ތަނެއް ކުއްޔަށް ނުނަގައި: ރައީސް
ސާވާތައް ސަލާމަތްނުވެއްޖެނަމަ މަޝްރޫއުތަކުގެ މައުލޫމާތު ގެއްލޭނެ: ހައިދަރު
ސަލާމަތް ކުރެވުނީ ވަރަށް މަދު ލިޔުންތަކެއް: ހައިދަރު
އަލިފާނުގެ ހާދިސާއާ ގުޅިގެން ތިން މިނިސްޓްރީއެއްގެ ހިދުމަތްތައް ހުއްޓިއްޖެ