އަތޮޅު ތެރެއިގެ ރަށްރަށުގެ މަގުމަތީގައި އުޅެމުންދާ ބުޅާތަކަށް ބައެއް ފަރާތްތަކުން ގޯނާކޮށް، ހާނިއްކަކުރުމުގެ އިތުރުން މަރާކަމުގެ ޝަކުވާތައް ލިބޭތީ އެކަން ނުކުރުމަށް އެނިމަލް ވެލްފެއާ އިން އިލްތިމާސް ކޮށްފި އެވެ. އެ މިނިސްޓްރީން ނެރުނު ނޫސްބަޔާނެއްގައި ބުނީ އިސްލާމްދީނުގައި ވަނީ ޖަނަވާރުގެ ހައްގުތައް ކަށަވަރުކޮށްދީފައިވާ ކަމަށާއި ޖަނަވާރަށް ރަހުމުކޮށް، އަޅާލައި، އެތަކެއްޗަށް އޯގާތެރިވުމަށް އިސްލާމްދީން ބާރުއަޅާ ކަމަށެވެ.
ދުނިޔެއަކީ އިންސާނުންނާއި ޖަނަވާރުން ވެސް ދިރިއުޅޭން ލައްވައިފައިވާ ތަނެއް ކަމަށް މިނިސްޓްރީން ބުންޏެވެ. އެހެންވެ ބުޅާތަކަށް ވެސް ލިބޭ މިނިވަންކަމުގެ ގޮތުގައި ބައިނަލްއަގުވާމީ ފެންވަރުގައި މައިގަނޑު ފަސް ކަމެއް ބަޔާންކުރެ އެވެ. އެއީ؛
ހައިހޫނުކަމާއި، ކަރުހިއްކުމާއި، ކާޑުބަލިން މިންޖުވުމުގެ މިނިވަންކަން.
ބިރުގަތުމާއި، ހާސްވުމާއި، ކަންބޮޑުވުމުން މިންޖުވުމުގެ މިނިވަންކަން.
ޖިސްމާނީ ގޮތުން އަރާމުނުލިބުމުން މިންޖުވުމުގެ މިނިވަންކަން.
ވޭނާއި، ހާނީއްކައާއި، ބަލިން ބަލީން މިންޖުވުމުގެ މިނިވަންކަން.
އާދަވެގެން ޖަނަވާރު އުޅޭ އުޅުމަށް އެޅޭ ހުރަސްތަކުން މިންޖުވުމުގެ މިނިވަންކަން.
”މިނިސްޓްރީން ބުނީ މިފަދަ ޖަނަވާރަކީ އިންސާނުންނާއެކު އެމީހުންގެ ވެށީގައި ދިރިއުޅޭ، ބުއްދިއެއްނުވާ އެއްޗަކަށްވާތީ އެސޮރުމެންގެ ފަރާތުން އިންސާނުންނަށް އުނދަގޫތައް ކުރިމަތިވުމަކީ އެކަށީގެންވާ ކަމެކެވެ. އެފަދަ ހާލަތްތަކުގައި އެ ސޮރުމެންނަށް ހާނިކަކުރުމަކީ އިންސާނިއްޔަތުކަމުގެ ގޮތުން ބަލާއިރު ކޮށްގެންވާނެ ކަމެއް ނޫނެވެ،“ މިނިސްޓްރީން ބުންޏެވެ.
ރާއްޖެއިން ބައިވެރިވެފައިވާ، ދުނިޔޭގެ ޖަނަވާރުގެ ސިއްހަތާބެހޭ ޖަމްޢިއްޔާގެ އެނިމަލް ހެލްތު ކޯޑުގައި ޖަނަވާރުގެ ދުޅަހެޔޮކަމަށް ހާއްސަ އަހައްމިއްޔަތުކަމެއް ދީފައިވެ އެވެ. އޭގެތެރޭގައި ދަނޑުވެރިކަމަށާއި، މުނިފޫހިފިލުވަމަށާއި، އިލްމީ ދިރާސާކުރުމަށާއި، އެނޫންވެސް ބޭނުންތަކަށް ޖަނަވާރު ގެންގުޅުމުގައި އެސޮރުމެންގެ ދުޅަހެޔޮކަން ކަށަވަރުކުރުން ހިމެނެ އެވެ.
12 Comments
ގުޅުންހުރި
ކެޓް ޝެލްޓާ ހަދަން ދިޔަ ހަރަދު ދިނުމުން މިނިސްޓްރީއާ އެތަން ހަވާލުކުރާނަން!
ސިއްހީ ހާލުކޮޅު ހުރިިގޮތުން މިނިސްޓަރުގެ މަގާމުން ރަމީލާ އިސްތިއުފާ ދެއްވައިފި