އާ އަހަރު ފާހަގަކުރަން ފުޑް ފެސްޓިވަލަކާއެކު ޑްރޯން ޝޯއެއް ބާއްވަނީ

އާ އަހަރު ފެށުމުގެ ގޮތުން ފުޑް ފެސްޓިލަކާއެކު ހާއްސަ ޑްރޯން ޝޯއެއް ބޭއްވުމަށް އެމްއެމްޕީއާރްސީން ނިންމައިފި އެވެ.

އެމްއެމްޕީއާރްސީން މިއަދު ބުނީ އާ އަހަރު ފާހަގަކުރުމަށް ”މޯލްޑިވްސް ކަލްޗާ އެންޑް ފުޑް ފެސްޓިވަލް“ ނަމުގައި ކުރިއަށް ގެންދާ ހަރަކާތްތައް ކުރިއަށް ދާނީ މި މަހުގެ 31 އަދި ޖެނުއަރީ އެއް ވަނަ ދުވަހު ކަމަށެވެ. އަދި އެ ފެސްޓިވަލްގެ ތެރެއިން ދިވެހި ސަގާފީ ފުޑް ފެސްޓިވަލަކާއި 15 މިނެޓުގެ ޑްރޯން ޝޯއަކާއި ދިވެހި ސަގާފަތް ދައްކާލުމުގެ ހަރަކާތްތަކުގެ އިތުރުން އާ އަހަރުގެ ހަވާ އެރުވުން އޮންނާނެ ކަމަށް އެމްއެމްޕީއާރްސީން ބުންޏެވެ.

ޑްރޯން ފެސްޓިވަލް ކުރިއަށް ދާނީ ޑިސެންބަރު 31 ވަނަ ދުވަހުގެ ރޭ 09:00 ގައި ކަމަށާއި ހަވާ އަރުވާނީ އެ ރޭ 12 ޖަހާއިރު ކަމަށް ކަމަށް އެމްއެމްޕީއާރްސީން ބުންޏެވެ.

އަދި، ފުޑް ފެސްޓިވަލް 31 ވަނަ ދުވަހުގެ ރެ އާއި ޖެނުއަރީ އެއް ވަނަ ދުވަހުގެ ހަވީރު ހަތަރުން ރޭގަނޑު 10 އަކަށް ކުރިއަށް ދާނެ ކަމަށް އެމްއެމްޕީއާރްސީން ބުންޏެވެ.

މި ފެސްޓިވަލް ކުރިއަށް ގެންދިއުމަށް ހަމަޖެހިފައިވަނީ ހުޅުމާލޭ ސެންޓްރަލް ޕާކުގަ އެވެ.