ސީރިއާގައި 24 އަހަރު ވަންދެން ވެރިކަން ކުރެއްވި ބައްޝާރު އަލް އަސަދުގެ ވެރިކަމާ ދެކޮޅަށް ނުކެމެ ބައްޝާރުގެ ވެރިކަން ވައްޓާލުމަށްފަހު ވެރިކަމާ ހަވާލުވި ހަޔާތު ތަހްރީރް އަލް ޝާމް (އެޗްޓީއެސް) ޖަމާއަތަކީ ޓެރަރިސްޓް ޖަމާއަތެއް ކަމަށް ރާއްޖެ އިން ކަނޑައަޅާފައި އޮތް އޮތުމާއި ސީރިއާ އަށް ދިވެހިން ދަތުރުކުރުން މަނާކޮށްފައި އޮތްއޮތުން ރާއްޖެ އިން އަނެއްކާވެސް މިއަދު ދަމަހައްޓައިފި އެވެ.
ރާއްޖެއިން ވަނީ 2019 ވަނަ އަހަރުން ފެށިގެން އެޗްޓީއެސްއަކީ ޓެރަރިސްޓު ޖަމާއަތެއް ކަމަށް ކަނޑައަޅައިފަ އެވެ. އަދި ހަމަ އެއަހަރު ރާއްޖެއިން ވަނީ ސީރިއާއަކީ ހަނގުރާމަވެރި ސަރަހައްދެއް ކަމަށް ކަނޑައަޅައި އެ ގައުމަށް ދިވެހިން ދަތުރުކުރުން ޓެރަރިޒަމްގެ ކުށަކަށް ހަދައިފަ އެވެ.
ޓެރަރިޒަމް މަނާ ކުރުމުގެ ގާނޫނުގެ ދަށުން ޓެރަރިސްޓް ޖަމާއަތްތަކުގެ ލިސްޓާއި ހަނގުރާމަވެރި ސަރަހައްދުތައް ކޮންމެ އަހަރަކު އެއްފަހަރު ކަނޑައަޅަން ޖެހޭތީ، ރައީސް އޮފީހުން މިއަދު ވަނީ އެ ލިސްޓު ނެރެފަ އެވެ.
ރައީސް އޮފީހުން މިއަދު ނެރުނު ލިސްޓުގައި، ކުރިން ކަނޑައަޅާފައިވާ ލިސްޓަށް އެއްވެސް ބަދަލެއް ގެނެސްފައެއް ނުވެ އެވެ. އެހެންވެ، އެޗްޓީއެސް ޖަމާއަތް ހިމެނޭހެން 20 ޖަމާއަތަކީ ޓެރަރިސްޓް ޖަމާއަތްތަކެއް ކަމަށް ވަނީ ކަނޑައަޅައިފަ އެވެ. ސީރިއާއަކީ އަދިވެސް ދިވެހިން ދަތުރުކުރުން މަނާ، ހަނގުރާމަވެރި ސަރަހައްދެއް ކަމަށް ވަނީ ނިންމައިފަ އެވެ.
ޓެރަރިސްޓް ޖަމާއަތްތަކާއި ހަނގުރާމަވެރި ސަރަހައްދުތައް ކަނޑައަޅާނީ ރާއްޖޭގެ ގައުމީ ސަލާމަތާބެހޭ މަޖިލީހުގެ ލަފާގެ މަތިން ރައީސެވެ. އަދި ޓެރަރިސްޓް ޖަމާއަތްތަކަށް ތާއީދު ކުރުމާއި އެ ޖަމާއަތުގެ މެމްބަރުކަން ކުރުމާއި އެހީވުމަކީ ބޮޑު އަދަބު ލިބޭ ކުށެކެވެ.
1 Comment
ގުޅުންހުރި
ސުނާމީ ކާރިސާގައި ނިޔާވި މީހުންގެ ހަނދާނުގައި ސުކޫތެއް ބާއްވައިފި
ވަކިކުރި ސިޔާސީ މުވައްޒަފުންގެ މައުލޫމާތު އާންމުކުރަން އައިކޮމުން އަންގައިފި
ހަނގުރާމަވެރިން ދިމިޝްގު ހިފުމުން، ބައްޝާރުލް އަސަދު ފިއްލަވައިފި
ޑރ. ނިޔާފުގެ ހެކިބަސް: ފަރުވާ ދެމުންދަނިކޮށް ނަޝީދުގެ ވިންދު ހުއްޓުނު
”ގައުމީ ކުޅިވަރު ފަންޑު“ ގާއިމުކުރުމަށް ރައީސް ނިންމަވައިފި
އިންޑިއާގެ ސަފީރު ކަމަށް އާޒިމާ، ސައުދީގެ ސަފީރު ކަމަށް ސަރީރު އައްޔަން