ރާއްޖޭގައި ކުށްކޮށްގެން ފައިސާ ހޯދައި، މަނީ ލޯންޑާކުރާ 30 ކުންފުންޏެއް!

ރާއްޖޭގައި ކުށްކޮށްގެން ފައިސާ ހޯދައި، މަނީ ލޯންޑާކުރާ 30 ކުންފުންޏެއްގެ ލިސްޓެއް އެކުލަވާލައި، ސަރުކާރުގެ އެއްވެސް ކުންފުންޏަކުން އެ ވިޔަފާރިތަކާ މުއާމަލާތެއް ނުކުރަން ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑް (ޕީސީބީ)ން އަންގައިފި އެވެ.

ޕީސީބީ، އެ 30 ކުންފުނީގެ މައުލޫމާތު ހިމެނޭ ލިސްޓް، ސަރުކާރު ކުންފުނިތަކަށް ފޮނުވައިފައިވަނީ ފިނޭންސް މިނިސްޓްރީގެ އެނގުމަކަށެވެ. އެއީ ހޯމް ލޭންޑް މިނިސްޓްރީން ފޮނުވި ކުންފުނިތަކެއް ކަމަށް ޕީސީބީން ބުންޏެވެ.

ސަރުކާރު ކުންފުނިތަކަށް ޕީސީބީން ފޮނުވި ސިޓީގައި ވަނީ ރާއްޖޭގެ ކުށުގެ ވެށީގައި އެކި ނަންނަމުގައި ހަރަކާތްތެރިވަމުންދާ ގޭންގުތަކުން ކުށްކޮށްގެން ހޯދާ ފައިސާ، ލޯންޑަކޮށް އެ ފައިސާ ދައުރުކުރުމަށްޓަކައި ޕޭޕާ ކުންފުނިތަކެއް ހަދައިގެން މުއާމަލާތުކުރާ ކަމަށް ހޯމް ލޭންޑް ސެކިއުރިޓީން އަންގާފައިވާ ކަމަށެވެ.

ޕީސީބީން ބުނީ ސަރުކާރުގެ ކުންފުނިތަކުން، އެ ފަދަ ޕޭޕާ ކުންފުނިތަކާއެކު ވިޔަފާރީގެ މުއާމަލާތް ކުރަމުން ދިޔުމަކީ އެ ކުންފުނިތަކުން ކުރަމުންގެންދާ މުއާމަލާތްތައް ސައްހަ ކަމަށް ފެންނާނެ ކަމެއް ކަމަށްވުމުން އެފަދަ ކުންފުނިތަކާއެކު ކުރިއަށް އޮތްތަނުގައި މުއާމަލާތް ކުރާ ސަރުކާރުގެ ކުންފުނިތާމެދު ފިޔަވަޅު އެޅުމަށް ފިނޭންސް މިނިސްޓްރީއަށް އަންގާފައިވާނެ ކަމަށެވެ.

ކުށްކޮށްގެން ފައިސާ ހޯދައި، ލޯންޑާކުރާ ކަމަށް ތުހުމަތުކުރާ ކުންފުނިތައް:

ބީސީސީޖީ ޕްރައިވެޓް ލިމިޓެޑް
ލޫކްސް ބިލްޑިން ކޯ ޕްރައިވެޓް ލިމިޓެޑް
އޯލްޑް ޓައުން އޮޓޯ ސާވިސް
އާމާލް ހޯލްޑިންސް ޕްރައިވެޓް ލިމިޓެޑް
ސޮލިޓަޔާ އެންޓަޕްރައިޒަސް ޕްރައިވެޓް ލިމިޓެޑް
އެސް އެންޑް އެލް ރިއަލްއެސްޓޭޓު ޕްރައިވެޓް ލިމިޓެޑް
ގްރީން އެންޓަޕްރައިޒަސް
ޓްވައިލައިޓް މޯލްޑިވްސް ޕްރައިވެޓް ލިމިޓެޑް
މެގްނެޓޯ ޕްރައިވެޓް ލިމިޓެޑް
ގޯލްޑެން އީރާ ޕްރައިވެޓް ލިމިޓެޑް
ހައިވް އެންޓަޕްރައިޒަސް ޕްރައިވެޓް ލިމިޓެޑް
އައިއެސް ކޮމްޕެނީ ޕްރައިވެޓް ލިމިޓެޑް
ފްރެޝްކޯ
ސީ ކޮއިން ޕްރައިވެޓް ލިމިޓެޑް
ޒީރޯ ކޫލް ޕްރައިވެޓް ލިމިޓެޑް
ގޯލްޑު ބްރިކްސް ކޮންސްޓަރަކްޝަން ޕްރައިވެޓް ލިމިޓެޑް
ގޯލްޑް ބްރިކްސް
އައި ސަޕްލައި ޕްރައިވެޓް ލިމިޓެޑް
މޮނާކޯ މޯލްޑިވްސް ޕްރައިވެޓް ލިމިޓެޑް
މެޖިސްޓިކް ހޯލްޑިންސް ޕްރައިވެޓް ލިމިޓެޑް
ރޯޔަލް އެލްމިނިއަމް އެންޑް ގްލާސް ޕްރައިވެޓް ލިމިޓެޑް
ސީ އެސްޓާ ޓްރެވަލްސް ޕްރައިވެޓް ލިމިޓެޑް
ބިގް ގޭޓްސް ޕްރައިވެޓް ލިމިޓެޑް
އެކޯ އެއާ ކޫލިން ސާވިސް
މޮނާކޯ އިންވެސްޓްމެންޓު
އުޑުމަތި
އެވިނެކްސް މޯލްޑިވްސް ޕްރައިވެޓް ލިމިޓެޑް
އެސް.އެސް.އޭ ކޮމްޕެނީ ޕްރައިވެޓް ލިމިޓެޑް
ސީ ފްލޯޓް ޕްރައިވެޓް ލިމިޓެޑް
ހީޓަން މޯލްޑިވްސް ޕްރައިވެޓް ލިމިޓެޑް

މީގެ ބައެއް ވިޔަފާރިތައް ހުރީ އުވާލުމުގެ މަރުހަލާގަ އެވެ.