މިހާރު ކުރައްމުންދާ ވިއްސާރައިގައި މާލެއަށް ބޯކޮށް ވާރޭވެހި ފެންބޮޑުވެފައިވާތީ، އާއްމު ހާލަތަށް ބަދަލުވަން ދެން މަގުތަކުގައި ބަރު އުޅަނދު ނުދުއްވަން ފުލުހުން އިލްތިމާސްކޮށްފި އެވެ.
ފުލުހުން މިއަސު ބުނީ މަގުތަކުގައި ފެންބޮޑުވެ، ބައެއް ގޭގެއަށް ފެން ވަނުމުގެ ހާދިސާތައް ހިނގަމުންދާ ކަމަށެވެ. އެހެންވެ، ފެންގަނޑު ހިނދި، އާއްމު ހާލަތަށް ބަދަލުވަންދެން ބަރު އުޅަނދު ނުދުއްވަން ވަނީ އެދިފައެވެ.
ކޮންމެހެން ބޭނުން ޖެހިގެން ނޫން ގޮތަކަށް ހަތަރު ފުރޮޅުލީ އުޅަނދު ނުދުއްވަން ވެސް ފުލުހުން ވަނީ އިލްތިމާސްކޮށްފައެވެ.
މިއަދު މެންދުރާއި ހަވީރު މާލެއަށް ވެހެނު ބޯ ވާރޭވޭގައި މުޅި މާލޭގައި ވަނީ ފެންބޮޑުވެފައެވެ. މާލޭގެ ރިންގް ރޯޑުގައި ވެސް މީގެ ކުރިން ފެންބޮޑުނުވާ ވަރަށް މިއަދު ވަނީ ފެންބޮޑުވެފައެވެ.
ބައެއް ގޭގެއާއި ފިހާރަތަކަށް ފެން ވަދެގެން ފުލުހުންނާއި ސިފައިން ދަނީ އެ ތަންތަނުގައި ވެލި ބަސްތާ ޖެހުމުގެ މަސައްކަތް ކުރަމުންނެވެ.
މޫސުމާ ބެހޭ ގައުމީ އިދާރާ މެޓް އޮފީހުން ވަނީ ރާއްޖޭގެ ބޮޑު ބަޔަކަށް ވަނީ އެލާޓް ނެރެފައެވެ. އޭގެ ތެރެއިން، ހއ. އަތޮޅުން ފެށިގެން ރ. އަތޮޅުގެ ހިސާބަށް ހުދު އެލާޓް އަދި ބ. އަތޮޅުން ފެށިގެން ތ. އަތޮޅުގެ ރަށްތަކަށް މެޓުން ވަނީ މިރޭ 11:00 ޖަހަންދެން ރީނދޫ އެލާޓް ނެރެފަ އެވެ.
3 Comments
ގުޅުންހުރި
ކަސްޓަމްސް އޮފިސަރުންތަކެއްގެ އެކައުންޓުތަކުން 400 މިލިއަން ރުފިޔާ ދައުރުކުރި މައްސަލައެއް
އަތުހަރުގެ މަރާ ގުޅިގެން ދެ ފުލުހަކަށް ދައުވާކޮށްދޭން އެދިއްޖެ
ފުލުހުންގެ ކާރަކުން ޖެހި ސައިކަލެއް އެކްސިޑެންޓްވި މަންޒަރު ދުށް ބަޔަކު ހޯދަނީ
226 މީހަކަށް ވަގުތީ ހިޔާވަހިކަމާއި ކާނާ ފޯރުކޮށްދީފިން: އެންޑީއެމްއޭ
ފެން ހިންދުން ލަސްވުމުން އާއްމުން ނުކުމެ ރަސްފަންނާ ދިމާލުން ކޯރެއް ކަނޑައިފި
ވިއްސާރަ އަލިވާނީ ހޯމަ ދުވަހު: މެޓް އޮފީސް