އެމްޑީޕީގެ އެތެރޭގައި އުފެދުނު ހިޔާލު ތަފާތުވުންތަކުގެ ސަބަބުން އެ ޕާޓީ ދޫކުރައްވައި ދަ ޑިމޮކްރެޓްސް އުފެއްދެވި އަދި އެ ޕާޓީގައި ތިއްބެވި ބައެއް އިސްބޭފުޅުން އެމްޑީޕީއާ އަލުން ރޭ ގުޅިވަޑައިގެންފި އެވެ.
އެމްޑީޕީއާ އަލުން ގުޅިވަޑައިގެންނެވި ބޭފުޅުންނަކީ އެންމެ ފަހުން ބޭއްވި ރިޔާސީ އިންތިހާބުގައި ދަ ޑިމޮކްރެޓްސްގެ ކެންޑިޑޭޓުގެ އިލްޔާސް ލަބީބުގެ ރަނިންމޭޓެއްގެ ގޮތުގައި ވާދަކުރެއްވި އެސްޓީއޯގެ ކުރީގެ މެނޭޖިން ޑިރެކްޓަރު ހުސައިން އަމްރު އާއި ސޯލިހުގެ ސަރުކާރުގައި ރައީސް އޮފީހުގެ މިނިސްޓަރެއްގެ ގޮތުގައި ހުންނެވި މުހައްމަދު ޝިފާޒު (ޝިއްޕެ) އަދި ރައްޔިތުންގެ މަޖިލީހުގެ ކުރީގެ މެންބަރު އަލީ އާޒިމެވެ.
އެ ތިން ބޭފުޅުން އަލުން އެމްޑީޕީއާ ގުޅިވަޑައިގެންކަން އަމްރު ވަނީ ’ހަފްތާ‘ އަށް ކަށަވަރު ކޮށްދެއްވައިފަ އެވެ.
ޑިމޮކްރެޓްސްގެ ބައެއް އިސް ބޭފުޅުން އަލުން އެމްޑީޕީއާ ގުޅިވަޑައިގެންނެވި އިރު، އެމްޑީޕީން ވަނީ ’ގާނޫނުއަސާސީގެ ދިފާއުގައި’ގެ ނަމުގައި މި މަހު 31 ވަނަ ދުވަހު މަގުމަތީ ހަރަކާތެއް ބޭއްވުމަށް ނިންމައިފަ އެވެ.
ދަ ޑިމޮކްރެޓްސް އުފެއްދީ ކުރީގެ ރައީސް އިބްރާހިމް މުހައްމަދު ސޯލިހުގެ ސަރުކާރުގައި އެ ޕާޓީގެ އެތެރޭ އުފެދުނު ހިޔާލު ތަފާތުވުންތަކާއެކު ކުރީގެ ރައީސް މުހައްމަދު ނަޝީދުގެ ވަފާތެރިން ގުޅިގެންނެވެ.
3 Comments
ގުޅުންހުރި
ސިނގިރޭޓު ވައްކަން: އިތުރު ތިން މީހަކު ހައްޔަރުކޮށްފި، ދިގަލި ވަހީދު ޝަރީއަތް
ފޭދޫން ވަކި ކައުންސިލެއް ބޭނުމެއް ނުވި، ހުޅުދޫ އާއި މީދޫން ބޭނުންވޭ
މާލެ ސަރަހައްދުން އަލަށް ގެދޮރު ގަންނަން ބޭނުންވާ ފަރާތްތަކަށް ފައިނޭންސިން ސްކީމެއް
އައްޑޫގައި ވަކިވަކި ކައުންސިލްތައް ހެދުމާ ގުޅޭ ވޯޓު: އަދި ފެންނަނީ ފޯރިއެއް
އައްޑޫ ސިޓީގައި ވަކިވަކި ކައުންސިލުތަކެއް ހެދުމާ ގުޅޭ ވޯޓުލުން ކުރިއަށް
މާލެއިން ނޭޕާލް އަންހެނަކު ގެއްލިގެން ހޯދަނީ