ސިކް ސެންސަސް ލާމުގައި އެ ރިސޯޓުގެ ޖެނެރަލް މެނޭޖަރަށް ހަމަލާދީފި

ލާމު އަތޮޅުގައި އޮންނަ ސިކް ސެންސެސް ލާމު ކަނުހުރާ ރިސޯޓުގައި އެ ރިސޯޓުގެ ރީޖަނަލް ޖެނެރަލް މެނޭޖަރަށް ހަމަލާދީ މާރާމާރީ ހިންގި މައްސަލައެއް ފުލުހުން ބަލަން ފަށައިފި އެވެ.

ފުލުހުން ބުނީ ލާމު އަތޮޅުގައި ހިންގާ ރިސޯޓެއްގައި އެ ރިސޯޓުގެ އިސް މަގާމެއް އަދާކުރާ މީހަކު ބައިސްކަލެއްގައި ދަނިކޮށް ފަހަތުން މީހަކު އައިސް ބޮލުގައި އެއްޗަކުން ޖަހައި މާރާމާރީ ހިންގި މައްސަލައެއް އިއްޔެ ހުށަހަޅާފައިވާ ކަމަށެވެ.

ނަމަވެސް ހަފްތާއަށް އެނގިފައިވާ ގޮތުގައި އެ ހަމަލާ ދީފައިވަނީ ސިކް ސެންސަސް ލާމުގެ ރީޖަނަލް ޖެނެރަލް މެނޭޖަރު މާޓިން ވޭން ވެލްއަށެވެ.

މާޓިންއަށް އަނިޔާވެގެން ލ. އަތޮޅު ރީޖަނަލް ހޮސްޕިޓަލުން ފަރުވާ ދިނުމަށްފަހު، އޭނާ މިހާރު ދޫކޮށްލާފައިވާ ކަމަށްވެސް ފުލުހުން ބުންޏެވެ.

އެ މައްސަލައާ ގުޅިގެން މިހާތަނަށް އެއްވެސް މީހަކު ހައްޔަރުކޮށްފައެއް ނުވެ އެވެ.