ގެދޮރުވެރިޔާ ސްކީމުގެ ދަށުން ހުޅުމާލެ ދެވަނަ ފިޔަވަހީގައި ހަދާފައިވާ 4،000 ފްލެޓް ލިބޭ މީހުންގެ ލިސްޓު މި މަހުގެ ތެރޭގައި އިއުލާން ކުރާނެ ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ.
ގެދޮރުވެރިޔާ ސްކީމަކީ ކުރީގެ ރައީސް އިބްރާހިމް މުހައްމަދު ސޯލިހުގެ ސަރުކާރުން ހިންގި މަޝްރޫއެކެވެ. އެ ސަރުކާރުގެ ދައުރު ހަމަވަނިކޮށް، 4000 ފުލެޓު ލިބޭ މީހުންގެ ލިސްޓު ގެޒެޓުކުރި އެވެ. ނަމަވެސް އެ ލިސްޓުގައި މައްސަލަތަކެއް ހުރިކަމަށް ބުނެ އޭސީސީން މައްސަލަ ބަލަން ފަށައި ފްލެޓް ހަވާލުކުރުން ހުއްޓުވި އެވެ. އޭސީސީން މައްސަލަތައް ފާހަގަކޮށް އެކަން އެންގުމުން މި ސަރުކާރުން ވަނީ ފޯމުތައް އަލުން ރިވިއުކުރުމުގެ މަސައްކަތް ފަށައިފަ އެވެ.
ރައީސް މީގެ ކުރިން ވަނީ ރޯދައިގެ ކުރިން ފްލެޓް ލިބޭ މީހުންގެ ލިސްޓު އިއުލާން ކުރައްވާނެ ކަމަށް ވިދާޅުވެފަ އެވެ.
ރައްޔިތުންގެ މަޖިލީހަށް މިއަދު ރިޔާސީ ބަޔާން އިއްވަވަމުން ރައީސް ވިދާޅުވީ، 4،000 ފްލެޓް ލިބޭ މީހުންގެ ލިސްޓުގެ ސައްހަކަން ބެލުން އޮތީ މި ސަރުކާރުން ހައްލުކުރަން ޖެހިފައި އޮތް ވަރަށް ހައްސާސީ މައްސަލައެއްގެ ގޮތުގައި ކަމަށެވެ.
”މާތްالله ގެ އިރާދަފުޅާއެކު ލިސްޓުގެ ސައްހަކަން ބެލުމަށް ކުރެވެމުންދާ މަސައްކަތް ނިމި މި ފެބްރުއަރީ މަސް ނިމުމުގެ ކުރިން ލިސްޓު އިއުލާން ކުރެވޭނެ. އަދި ފްލެޓްތައް ނިމެމުންދާ ނިސްބަތުން ފްލެޓް ލިބޭ ފަރާތްތަކާ ފްލެޓް ހަވާލުކުރަމުން ގޮސް މި އަހަރުގެ ސެޕްޓެންބަރު މަސް ނިމުމުގެ ކުރިން ހުރިހާ ފްލެޓެއް އޭގެ ހައްގުވެރި ފަރާތްތަކާ ހަވާލުކޮށް ނިންމާލެވޭނެ،“ ރައީސް ވިދާޅުވި އެވެ.
3 Comments
ގުޅުންހުރި
އެސްޑީއެފްސީގެ ސަރުކާރުގެ ހިއްސާ ބީއެމްއެލްއަށް ވިއްކާލަން ނިންމައިފި
މިނިވަންދުވަހުގެ ރަސްމިއްޔާތުގައި ބައިވެރިވެވަޑައިގަތުމަށް ހުކުރު ދުވަހު މޯދީ ރާއްޖެ ވަޑައިގަންނަވަނީ
70،000 ރުފިޔާ ރިޓާޔަމެންޓް އެލެވެންސްގެ ގޮތުގައި މުއުތަސިމްއަށް ނުދޭން ނިންމައިފި
މާންދީ ދެއްކި ވާހަކައިގެ ސަބަބުން ރައީސްގެ ދަރިކަލުންގެ އަބުރު ގެއްލުނު ކަން
އުފަންވި އިރު ހަށިގަނޑުގައި މަސްތުވާތަކެތީގެ އަސަރު، ކުއްޖާގެ މަންމަ ހޯދުމުގެ މަސައްކަތް
އަނބިމީހާ/ ފިރިމީހާއަށް ގޯތި ލިބުނަސް ފްލެޓް ލިސްޓުން އުނި ނުކުރަން ނިންމައިފި