ސިޔާސީ ކަންތައްތަކުގައި އުޅުއްވައިގެން ޖަލަށްލުމަކީ ދެއްވި އަނިޔާއެއް ކަމަށް ދެކެވަޑައި ނުގަންނަވާ ކަމަށާއި އެއީ އޭނާގެ މުސްތަގުބަލް އުޖާލާ ކުރުމަށްޓަކައި ލިބުނު ދަރުހެއް ކަމަށް ޖުމްހޫރީ ޕާޓީގެ ލީޑަރު ގާސިމް އިބްރާހިމް މިރޭ ވިދާޅުވެއްޖެ އެވެ.
ރައީސް މައުމޫން އަބްދުލްގައްޔޫމްގެ ސަރުކާރުގައި މުހިންމު އިސް މަގާމުތަކެއް ފުރުއްވި އަދި އެ ފަހުން ރާއްޖެއަށް ގިނަ ހިދުމަތްތަކެއް ކުރައްވަމުން ގެންދަވާ ގާސިމު އެހެން ވިދާޅުވީ އޭނާގެ ބަޔޮގްރަފީ ނެރުމަށް ވިލާ ކޮލެޖުގައި ބޭއްވި ރަސްމިއްޔާތުގަ އެވެ.
ގާސިމް މިރޭ ވިދާޅުވީ، 2008 ވަނަ އަހަރު ފިޔަވައި މައުމޫންގެ ވެރިކަމުގައި ކޮންމެ ރިޔާސީ އިންތިހާބެއްގައި ވެސް އޭނާ ހުންނެވީ މައުމޫނާ އެއްކޮށް ކަމަށާއި މައުމޫން އިންތިހާބު ކުރަން އެ އިން ކޮންމެ ފަހަރަކު ”ހެސްކިޔާފައި“ މަސައްކަތް ކުރެއްވި ކަމަށެވެ.
ނަމަވެސް ސިޔާސީ މަސްރަހު ބަދަލުކުރަން ތަފާތު މަސައްކަތްތަކެއް ކުރެއްވި ކަމަށާއި ވަކި ހިސާބަކުން ނުކުންނެވުމުން ހިތްހަމަނުޖެހުން އަންނާނެ ކަމަށްވެސް ވިދާޅުވި އެވެ.
”ޖަލުގައި ހައްޔަރުވާން ދިމާވި ދިމާވުން އެއީ އަޅުގަނޑުގެ މުސްތަގުބަލް އުޖާލާ ކުރުމަށްޓަކައި އަޅުގަނޑަށް ލިބުނު ދަރުސެއް ކަމަށް އަޅުގަނޑު ގަބޫލު ކުރަނީ، އެއްގޮތަކަށް ވެސް އަޅުގަނޑަށް ދެއްވި އަނިޔާއެއް ކަމަކަށް ނުދެކެން،“ ގާސިމް ވިދާޅުވި އެވެ.
އޭނާ ވިދާޅުވީ ބަޔަކު ކޮންމެ ވާހަކައެއް ދެއްކި ނަމަވެސް މައުމޫނަކީ ޑިކްޓޭޓަރެއް ނޫން ކަމަށާއި އެގޮތުން ރާއްޖެއަށް ޑިމޮކްރަސީ ލިބުނީ މައުމޫންގެ ސަބަބުން ކަމަށް ވިދާޅުވި އެވެ.
4 Comments
ގުޅުންހުރި
ސްޓެލްކޯގެ އެމްޑީކަމުން ފަހުމީ ވަކިކޮށް، އެ މަގާމަށް މިފްކޯގެ ކުރީގެ އެމްޑީ
ސިވިލް ސާވިސް ކޮމިޝަނަށް ތިން މެންބަރަކު އައްޔަނުކޮށްފި
ބްލެކްމެއިލްކޮށް، ބިރުދައްކައި، އޮރިޔާންކޮށް ވީޑިއޯ ނެގި މައްސަލައެއްގައި ދެ މީހަކު ހައްޔަރުކޮށްފި
ބޮކްސާ ތެރޭގައި މަސްތުވާތަކެތި ފޮރުވައިގެން އެތެރެކުރަން އުޅުނު މީހަކު ހައްޔަރުކޮށްފި
ތިނަދޫގެ 200 ރޯހައުސްއަށް ކުރިމަތިލާން ހުޅުވާލައިފި،
އައްޑޫގައި ފިލްމު ބަލާފަައި ނުކުމެ ހިންގި މާރާމާރީއެއްގައި މީހަކަށް އަނިޔާވެއްޖެ