ތެލެސީމިއާ ސެންޓަރުން ފޯރުކޮށްދޭ ހިދުމަތްތައް އެކަށީގެންވާ ގޮތެއްގައި ފޯރުކޮށް ނުދެވޭތީ ތެލެސީމިއާ ބަލީގެ މީހުންނާއި އެ މީހުންގެ އާއިލާގެ މެންބަރުން އެ ސެންޓަރުންގެ ވެރިންގެ އިސްތިއުފާއަށް ގޮވާލައި ރޭ މުޒާހަރާކޮށްފި އެވެ.
ތެލެސީމިއާ ސެންޓަރުން ލިބެންޖެހޭ ބޭސް ނުލިބުމުގެ އިތުރުން ފިލްޓަރުތައް ހަލާކުވުމުގެ ސަބަބުން ގިނަ އަދަދެއްގެ ލޭ ޕެކެޓުތަކެއް އުކާލަންޖެހޭ ކަމުގެ ޝަކުވާ ތެލެސީމިއާ ބަލީގެ މީހުންނާއި އެ މީހުންގެ އާއިލާއިން ދަނީ ކުރަމުންނެވެ.
އެކަންކަމާއި ގުޅޭ ގޮތުން ތެލެސީމިއާ ބަލީގެ މީހުންނާއި އެ މީހުންގެ އާއިލާ އިން ވަނީ ރޭ ތެލެސީމިއާ ސެންޓަރުގެ ވެރިންނާއެކު ބައްދަލުވުމެއް ބާއްވައިފަ އެވެ. ނަމަވެސް އެ ބައްދަލުވުމުން އެ ކަންކަމަށް އެކަށީގެންވާ ހައްލެއް ނުލިބުމުން ސެންޓަރުގެ ކުރިމަތީގައި އެ މީހުން ވަނީ މުޒާހަރާކޮށްފަ އެވެ.
މުޒާހަރާގެ ބައިވެރިއަކު ބުނީ ރޯދަ މަހުގައި ތެލެސީމިއާ ކުދިންނަށް ބޭނުންވާ ލޯ ހޯދުމަކީ ފަސޭހަ ކަމެއް ނޫން ކަމަށާއި ބައެއް ފަހަރު ލޭ ނުލިބި ދެ ހަފުތާއެއްހާ ދުވަސް ވެގެންދާ ކަަމަށެވެ.
”ނަމަވެސް އެހާ އުނދަގުލުން މީހުން ކައިރީގައި ސަލާން ޖަހައިން ހޯދޭ ލޭ ފޮދު މިވަނީ އިސްރާފަކަށް، ފިލްޓަރު މައްސަލަ ޖެހޭތީ“ މުޒާހަރާގެ ބައިވެރިއެއް ބުންޏެވެ.
ސޯޝަލް މީޑިއާގައި މީހަކު ކުރި ޕޯސްޓެއްގައި ބުނީ ފިލްޓަރުތަކުގައި މައްސަލަޖެހޭކަން ސެންޓަރުންގެ ވެރިންނަށް ވެސް އެނގޭ ކަމަށާއި ނަމަވެސް އާ ފިލްޓަރުތަކެއް ހޯދުމުގެ މަސައްކަތް އެ ސެންޓަރުން ކުރަމުންނުދާ ކަމަށެވެ. ސެންޓަރުގައި މަސައްކަތްކުރާ ނަރުހުންނަށްވެސް ރޯދަމަހު އަވަސް އަވަހަށް ފިލްޓަރު ބަދަލުކުރަން ފަސޭހަ ކަމަކަށް ނުވާނެ ކަމަށް ވެސް އެ ޕޯސްޓުގައި ބުންޏެވެ.

1 Comment
ގުޅުންހުރި
ވެލިދޫ އާ ހޮސްޕިޓަލާއި ފެންފުށީ އާ ސިއްހީ މަރުކަޒު ހަދަން އާރުޑީސީ
ގައުމީ މަސައްކަތެއްގެ ގޮތުގައި ތެލެސީމިއާ ސެންޓަރު ނިންމަން ސިފައިންނާ ހަވާލުކޮށްފި
ރައީސް ވިދާޅުވީ ތެލެސީމިއާ ސެންޓަރުގެ ހާލަތު އެހާ ގޯސްކަން އެނގިވަޑައި ނުގަންނަވާ
ތެލެސީމިއާ ސެންޓަރުގެ ކަންކަން ހައްލުކުރަން ވަރުގަދަ ފިޔަވަޅުތަކެއް އަޅަން ރައީސް އަންގަވައިފި
ތެލެސީމިއާ ކުދިން މުޒާހަރާއަށް ނުކުތުމުން ހާލަތު ބައްލަވަން ރައީސް ތެލެސީމިއާ ސެންޓަރަށް
ހަނިމާދޫ އާއި މާމިގިލީ ހޮސްޕިޓަލް އަދި ގާފަރު ސިއްހީ މަރުކަޒު ހަދަން