ފްލެޓް ލިސްޓަށް ޝަކުވާ ހުށަހަޅަން ސިޓީ ކައުންސިލުން އެހީވަނީ

މިދިޔަ ފެބްރުއަރީ މަހުގެ ފަހުކޮޅު އާންމުކުރި ފްލެޓް ލިސްޓަށް ޝަކުވާއަށް ހުށަހެޅުމުގެ ފުރުސަތު ފަސޭހަކޮށްދިނުމުގެ ގޮތުން މާލޭ ސިޓީ ކައުންސިލުން އެކަމުގައި އެހީތެރިކަން ފޯރުކޮށްދޭން ނިންމައިފި އެވެ.

އެ ކައުންސިލުން މިއަދު ގެޒެޓު ކުރި އިއުލާނެއްގައި ބުނީ މިއަދުން ފެށިގެން އޭޕްރިލް 15 ގެ ނިޔަލަށް ހުކުރު ދުވަސް ނޫން ކޮންމެ ދުވަހަކު އެ މާލެ ސިޓީ ކައުންސިލުގެ އާންމު ހިދުމަތްތަކާ ބެހޭ ބައިން އެހީތެރިކަން ފޯރުކޮށްދޭން ނިންމާފައިވާ ކަމަށެވެ.

ފުލެޓް ލިސްޓަށް ޝަކުވާ ހުށަހަޅަން ކައުންސިލުން އެހީވާގެ ގަޑިތައް:

31 މާޗު އިން އޭޕްރިލް 5 ގެ ނިޔަލަށް – ހެނދުނު 10:30 އިން މެންދުރު 2:30 އަށް އަދި ރޭގަނޑު 9:30 އިން 11:00 އަށްއޭޕްރިލް 6 އިން އޭޕްރިލް 15 ގެ ނިޔަލަށް – ހެނދުނު 9:00 އިން ހަވީރު 4:00 އަށް، އަދި ރޭގަނޑު 9:00 އިން 11:00 އަށްފްލެޓު ލިސްޓަށް ޝަކުވާ ހުށަހެޅުމުގައި އެހީތެރިކަން ފޯރުކޮށްދޭން މާލެ ސިޓީ ކައުންސިލުން ނިންމީ އެ ކައުންސިލުގެ ޖަލްސާއަކުންނެވެ.

މި ސަރުކާރުން ފްލެޓު ލިސްޓު އިއުލާނު ކޮށްފައި ވަނީ މިދިޔަ ސަރުކާރުން އިއުލާނު ކުރި 4000 މީހުންގެ ފްލެޓު ލިސްޓުން 3119 މީހުން ބާކީ ކުރުމަށްފަހު އެވެ.