ބޮޑު ޗުއްޓީއަކަށްފަހު އެންމެ ޖަލްސާއެއް ބޭއްވުމަށްފަހު ރައްޔިތުންގެ މަޖިލީހުގެ މިއަދުގެ ޖަލްސާ ކެންސަލްކޮށްފި އެވެ.
ރަމަޟާން މަހުގެ ފަހު 10ގެ ބަންދާއި، އީދު ބަންދަށްފަހު މަޖިލީހުގެ މަސައްކަތްތައް ފެށީ އިއްޔެއެވެ.
މަޖިލީހުގެ ޖަލްސާއެއް އެންމެ ފަހުން ބޭއްވި އިއްޔެ އެވެ. އެ ޖަލްސާ ވެސް ވަނީ ވަރަށް އަވަހަށް ނިންމާލައިފަ އެވެ. ކޮމިޓީ ބައްދަލުވުންތަކުގެ ތެރެއިން އިއްޔެ ބޭއްވީ ވެސް އެންމެ ޖަލްސާއެކެވެ.
އިއްޔެގެ ޖަލްސާގައި ސަރުކާރުގެ ފަރާތުން އަދި މަޖިލީހުގެ މެޖޯރިޓީ އޮންނަ ޕީއެންސީގެ ފަރާތުން އެއްވެސް ހުށަހެޅުމެއް ހުށަހަޅާފައިނުވެ އެވެ،
ނަަމަވެސް އެމްޑީޕީގެ ފަރާތުން ކުއްލި މައްސަލައަކާއި ގަރާރެއް އިއްޔެ މަޖިލީހަށް ހުށަހެޅިއެވެ.
