މެއިންޓަނެންސް މަސައްކަތަކަށް ހިޔާގެ 4 ޓަވަރަކާއި އެމްޕީއެލްގެ ޓަވަރުތަކުން މާދަމާ ކަރަންޓް ކަނޑާލަނީ

ހުޅުމާލެ ދެވަނަ ފިޔަވަހީގައި ހަދާފައިވާ ހިޔާގެ ހަތަރު ޓަވަރަކުންނާއި އެމްޕީއެލް ޓަވަރުތަކުން މާދަމާ ކަރަންޓް މެދުކަނޑާލާނެ ކަމަށް ސްޓެލްކޯ އިން މިއަދު ބުނެފި އެވެ.

ސްޓެލްކޯ އިން މިއަދު ބުނީ، ކަރަންޓް މެދުކަނޑާލަން ޖެހެނީ ހުޅުމާލޭގެ ދެވަނަ ފިޔަވަހީގެ ކަރަންޓު ޑިސްޓްރިބިއުޝަން ވިއުގައިގައި ކުރަންޖެހޭ އެމަރޖެންސީ މެއިންޓަނަންސް މަސައްކަތްތަކެއް ކުރުމަށްޓަކައި ކަމަށެވެ.

އެގޮތުން ހިޔާ ޓަވަރުތަކުގެ ތެރެއިން އެޗް13، އެޗް14، އެޗް15 އަދި އެޗް16 އިން ހެނދުނު 10 އިން 11 އަށް އަދި އެމްޕީއެލް ޓަވަރުތަކުން މާދަމާ މެންދުރު 1:30 އިން 3 އަކަށް ކަރަންޓު މެދުކަނޑާލާނެ ކަމަށް ބުންޏެވެ.

ސްޓެލްކޯ އިން ބުނީ އެ މަސައްކަތަކީ އެ ކުންފުނީގެ ހިދުމަތް މެދުނުކެނޑި، އެންމެ ފުރިހަމަ ގޮތުގައި ކަސްޓަމަރުންނަށް ފޯރުކޮށްދިނުްމަށްޓަކައި ކުރާ މުހިންމު މަސައްކަތްތަކެއް ކަމަށެވެ. ކަރަންޓު ކަނޑާލާ ވަގުތުތައް އެގޮތަށް ބަޔާންކޮށްފައިވީ ނަމަވެސް، މަސައްކަތް ނިމުނުހާ އަވަހަކަށް އަލުން ކަރަންޓު ދޭނެ ކަމަށް ބުންޏެވެ.