ރައްޔިތުންގެ މަޖިލިސް ހިންގަމުންދަނީ ރައްޔިތުންނާއި ސަރުކާރު ބޭނުންވާ ގޮތަށް ވަރަށް ރަނގަޅަށް ކަމަށް ޕީއެންސީގެ ޕީޖީ ލީޑަރު، އިބްރާހިމް ފަލާހު ވިދާޅުވެއްޖެ އެވެ.
މަޖިލީހުގެ މިއަދުގެ ޖަލްސާގައި ވާހަކަދައްކަވަމުން ފަލާހު ވިދާޅުވީ މަޖިލީހަށް ހުށަހަޅާ ބައެއް ކަންކަން ލަސްވަނީ އެ ކަންކަމާއި ގުޅިގެން ގިނަބައެއްގެ ހިޔާލު ހޯދައި މަޝްވަރާ ކުރަންޖެހޭތީ ކަމަށެވެ.
”އަޅުގަނޑު ގަބޫލު ކުރާ ގޮތުގައި އަޅުގަނޑުމެންނަށް މި 20 ވަަނަ މަޖިލިސް މި ހިންގެނީ ވަރަށް ރަނގަޅަށް. އިއްޒަތްތެރި ރައީސްގެ ޒައާމަތުގައި މި މަޖިލިސް މި ހިނގަމުން ދަނީ އިރާދަކުރެއްވިއްޔާ ދިވެހި ސަރުކާރާއި ދިވެހި ރައްޔިތުން ބޭނުންވާ ގޮތަށް، ވަގުތު ކަންކަމަށް ނަގަންޖެހޭ ކަންކަމަށް ވަގުތު ނަގައިގެން ދިރާސާ ކުރަންޖެހޭ ކަންކަން ދިރާސާ ކޮށްގެން އެކަމުގެ މައުލޫމާތު ހޯދަންޖެހޭ ކަންކަމުގެ މައުލޫމާތު ހޯދިގެން،“ ފަލާހު ވިދާޅުވި އެވެ.
މަޖިލީހުގެ ތަޅުމުގައި މަސައްކަތެއް ނުކުރުމަކީ ނުވަތަ މަޖިލީހުގެ ޖަލްސާތައް ނުބޭއްވުމަކީ މަޖިލީހުން އެއްވެސް މަސައްކަތެއް ނުކޮށް ތިބުން ކަމަށް ދެކިގެން ނުވާނެ ކަމަށް ފަލާހު ވިދާޅުވި އެވެ. މަޖިލީހުގެ މަސައްކަތްތައް ކޮމިޓީތަކުގައި ހުއްޓުމެއް ނެތި މެންބަރުން ކުރަމުންދާ ކަމަށް ފަލާހު ވިދާޅުވި އެވެ.
ފަލާހު ވިދާޅުވީ މަޖިލީހުގެ މެންބަރުން އެހާ ފުރިހަމަ މަސައްކަތްތަކެއް ކުރައްވާތީ އެ މެންބަރުންނަށް ޝުކުރު އަދާކުރައްވާ ކަމަށެވެ.
7 Comments
ގުޅުންހުރި
ފަލާހު، އިންނަމާދޫން 3 ގޯއްޗާއި ހުޅުމާލެ އިން ގޯއްޗެއް ބައްލަވައިގެންފި!
ސުޖާއުގެ ނަމުގައި 9.5 މިލިއަން ރުފިޔާގެ އަގުހުރި ބިމަކާއި 7 މިލިއަން
އަބްދުއްރަހީމަށް އަހަރެއް ތެރޭ މިލިއަނެއްހާ ރުފިޔާގެ ހަދިޔާ ލިބިވަޑައިގެންފި
ވެރިކަމުގެ ދައުރު ދަންމާލުމާ ގުޅޭ ބިލު ދިރާސާކުރާ ކޮމިޓީ ސިއްރު!
އުލުބޭންދުމަކީ ނޭގިގެން ރަދީފު ހޯދާކަށް ނުޖެހޭ: ޔާމީން
ނޫސްވެރިން އުލުބައިންދަން ފަލާހު ވިދާޅުވި މައްސަލަ ތަހުގީގުކުރަން ޕީޖީގެ ލަފާ ހޯދަނީ