ކާރަކާއި ސައިކަލެއް ޖެހި ތިނަދޫގައި އެކްސިޑެންޓެއް، އެކަކު ފަރުވާއަށް މާލެއަށް

ގދ. ތިނަދޫގައި ކާރަކާއި ސައިކަލެއް ޖެހި ހިނގި އެކްސިޑެންޓެއްގައި އަނިޔާވި އަންހެނަކު ފަރުވާއަށް މާލެއަށް ގެެނެސްފި އެވެ.

ފުލުހުން މިއަދު ބުނީ އެ އެކްސިޑެންޓުގައި ރިޕޯޓް ލިބިފައިވަނީ މިދިޔަ މަހުގެ 27 ވަނަ ދުވަހުގެ 15:47 އެހާކަންހާއިރު ކަމަށެވެ. އެ އެކްސިޑެންޓް ހިނގީ ތިނަދޫ ހުކުރު މިސްކިތް ކައިރިން ކަމަށާއި އެކްސިޑެންޓުގައި އަނިޔާވީ ސައިކަލް ދުއްވަންއިން 31 އަހަރުގެ އަންހެނަކަށް ކަމަށް ފުލުހުން ބުންޏެވެ.

އޭނާގެ ބޮލަށް ލިބުނު އަނިޔާގެ ސަބަބުން ތިނަދޫ ހޮސްޕިޓަލްގެ އައިސީޔޫގައި ފަރުވާ ދިނުމަށް ފަހު އެމަޖެންސީގައި ހަމަ އެރޭ މާލެ ގެނައި ކަމަށް ފުލުހުން މައުލޫމާތު ދީފައިވެއެވެ.

އަންހެން މީހާގެ ހާލު ރަނގަޅު ވަމުން އަންނަ ކަމަށް ފުލުހުން ބުންޏެވެ.