އެޕްރީލްގެ ކަރަންޓު ބިލު ކުޑަވީ ހޫނު މަހަކަށްވުމުން ދިން ޑިސްކައުންޓްގެ ސަބަބުން: ސްޓެލްކޯ

މިދިޔަ މާޗު މަހާއި އޭޕްރިލް މަހުގެ ކަރަންޓު ބިލުތައް އެއްވަރުވީ އޭޕްރިލް މަހަށްވެސް ޑިސްކައުންޓު ދިނުމުގެ ސަބަބުން ކަމަށް ސްޓެލްކޯ އިން ބުނެފި އެވެ.

ސްޓެލްކޯ އިން މިއަދު ބުނީ މި އަހަރުގެ މާރިޗު މަހުގެ ރޯދަ މަހުގެ ކަރަންޓު ބިލަށް ޑިސްކައުންޓު ދީފައިވާ ފަދައިން އޭޕްރީލް މަހުގެ ކަރަންޓު ބިލަށް ވެސް ޑިސްކައުންޓް ދީފައިވާނެ ކަމަށެވެ.

އޭޕްރީލް މަހުގެ ކަރަންޓު ބިލު ކަސްޓަމަރުންނަށް ފޮނުވި އިރު، އެ ބިލުގައިވާ ”ކަރަންޓު ބޭނުންކުރެވުނު ވަރު“ އޭގެ ކުރީ މަހާ ތަފާތުވި ނަމަވެސް، ބައެއް ބިލުތަކުގައި ދައްކަންޖެހޭ ފައިސާގެ އަދަދު މާރިޗު މަހުގެ ބިލާ ސީދާ އެއް އަދަދެއްގެ ގޮތުގައި އޮތީ އެ ލުއިތައް ދިނުމުން ކަމަށްވެސް އެ ކުންފުނިން ބުންޏެވެ.