ކުރީގެ ރައީސް އަބްދުﷲ ޔާމީންގެ ވެރިކަމުގައި ޕަބްލިކްސް ވޯކްސްއަށް ގެނައި އެކްސްކަވޭޓަރުތަކާއި ޑްރެޖަރުތަކާއި ލޭންޑިންކްރާފުޓައް ގެއްލިއްޖެ ކަމަށް ކޮންސްޓްރަކްޝަން އެންޑް އިންފްރާސްޓްރަކްޗާ މިނިސްޓަރު، އަބްދުالله މުއްތަލިބު ވިދާޅުވެއްޖެ އެވެ.
ރައްޔިތުންގެ މަޖިލީހުގެ މިއަދުގެ ޖަލްސާގައި މެންބަރުން ކުރެއްވި ސުވާލުތަކަށް ޖަވާބު ދެއްވަމުން މުއްތަލިބު ވިދާޅުވީ ފަޅު ފުންކުރުމާއި ނެރު ފުންކުރުމަކީ އޭނާ ހަވާލުވެގެން ހުންނަ މިނިސްޓްރީގެ ޒިންމާއެއް ނޫން ކަމަށާއި އެއީ ޕަބްލިކް ވޯކްސްގެ ޒިންމާއެއް ކަމަށެވެ. ފަޅު ފުންކުރުމާއި ނެރު ފުންކުރުމުގެ މަސައްކަތްތައް މިހާރު ހުއްޓިފައި ހުރީ ޕަބްލިކް ވޯކްސްގެ ގާބިލުކަން ނެތުމުގެ ސަބަބުން ކަމަށް މުއްތަލިބު ވިދާޅުވި އެވެ.
”މިދިޔަ ސަރުކާރުން ޕަބްލިކް ވޯކްސްގައި ހުރި، އެއީ ރައީސް ޔާމީނު ސަރުކާރުން ޕަބްލިކް ވޯކްސްއަށް ހޯދާފައި ހުރި ޑްރެޖަރުތަކާއި އޭގައި ހުރި ލޭންޑިން ކްރާފްޓުތަކާއި އެކްސްކެވޭޓަރުތަކާ މި އެއްޗެހި ވީތަނެއް ވެސް ނޭނގޭ، އެހެންވީމާ ހަގީގަތުގައި އެ އެއްޗެހިތައް ފެންނަން ނެތީމާ ޕަބްލިކް ވޯކްސްގެ އެއްވެސް މަސައްކަތެއް ކުރުމުގެ ގާބިލުކަން މިހާރު ނެތީމާ އެ މައްސަލަ އެހައި ބޮޑަށް އެ ދިމާވަނީ،“ އޭނާ ވިދާޅުވި އެވެ.
އެގޮތަށް މުއްތަލިބު ވިދާޅުވި ނަމަވެސް އެ އުޅަނދުތަކައް ވީގޮތެއް އަދި އެތަކެތި ހޯދަން މަސައްކަތެއް ކުރިކަން ހާމައެއް ނުކުރައްވަ އެވެ.
އޭނާގެ މިނިސްޓްރީގެ ޒިންމާއަކީ އެކި ފަރާތްތަކާ މަސައްކަތްތައް ހަވާލު ކޮށްގެން ކުރުވުން ކަމަށާއި މެއިންޓެނެންސް މަސައްކަތްތައް ކުރުމަކީ އެ މިނިސްޓްރީގެ ޒިންމާއެއް ނޫން ކަމަށެވެ.
11 Comments
ގުޅުންހުރި
އެއް ކުއްޖަކު ނުވަތަ ދެ ކުދިންނަށްވުރެ އިތުރަށް ދަރިން ނުހޯދުން ފެޝަނަކަށް
ފިރިހެނަކު ފިރިހެނަކަށް ވަނީ 65 އަހަރު ފުރުމުން: އިބްރާހިމް ހުސެއިން
އެއް ދުވަހު އިތުބާރު ނުކުރެވޭ ވެރިއަކަށް އަނެއް ދުވަހު އިތުބާރު ކުރެވިދާނެ,
މުޒާހަރާތަކަށް ނުކުމެ, ފުލުހުންނާ ކުރިމަތިލާ މަޖިލިސް މެންބަރުންގެ ގޮނޑި ގެއްލެންޖެހޭ: ފަލާހު
ގެޒެޓްގައިވާ ލިސްޓާ ހިލާފަށް އެއްވެސް ފަރާތެއް ލިސްޓަށް އިތުރެއް ނުކުރަން: މުއްތަލިބް
މީޑިއާ ބިލު ފާސްކުރުމުން ހާމަވަނީ ރައްޔިތުންގެ ހައްގުތަކަށް ސަރުކާރުން އިހުތިރާމް ނުކުރާކަން: