ކުރީގެ ރައީސް އިބްރާހިމް މުހައްމަދު ސޯލިހުގެ ސަރުކާރުން ކުރިއަށް ގެންދިޔަ ގެދޮރުވެރިޔާ ސްކީމުގެ ދަށުން ފުލެޓް ލިބުނު 4،000 މީހުންގެ ލިސްޓު އާންމުކޮށްފައި ވަނިކޮށް، އާ ލިސްޓަކަށް ފުލެޓް ދެވޭނީ ކޯޓު މެދުވެރިކޮށް ކަމަށް ފަހި ޔޫނިއަނުން ބުނެފި އެވެ.
ގެދޮރުވެރިޔާ ސްކީމުގެ ދަށުން ފުލެޓް ލިބުނު މީހުންގެ ލިސްޓު އެ ސަރުކާރުން އާންމުކުރުމުން ގިނަ ބަޔަކު ވަނީ ކަންބޮޑުން ފާޅުކޮށް ހައުސިން މިނިސްޓްރީއަށާއި އެންޓި ކޮރަޕްޝަން ކޮމިޝަން (އޭސީސީ)އަށް މައްސަލަ ހުށަހަޅައިފަ އެވެ. އެފަހުން މި ސަރުކާރުން އައިސް ވަނީ ފެބްރުއަރީ މަހުގެ ތެރޭގައި އާ ލިސްޓެއް ނެރެފަ އެވެ. އެއާއެކު ކުރީގެ ލިސްޓުގައި ފުލެޓަށް ޝަރުތު ހަމަވާ ގިނަބަޔަކު ވަނީ ފަހުން ނެރުނު ލިސްޓުގައި އެ މީހުންނަށް ފުލެޓް ލިބެން ޝަރުތު ހަމަނުވާތީ ކަންބޮޑުވުން ފާޅުކޮށްފަ އެވެ.
ގޯއްޗާއި ފުލެޓް ކަންކަމުގައި ވަކާލާތު ކުރާ ފަހި ޖަމިއްޔާއިން މިއަދު ބޭއްވި ނޫސްވެރިންގެ ބައްދަލުވުމެއްގައި ރައްޔިތުންގެ މަޖިލީހުގެ ކެންދޫ ދާއިރާގެ ކުރީގެ މެންބަރު އަދި ގާނޫނީ ވަކީލު އަލީ ހުސެއިން ވިދާޅުވީ ކުރީގެ ލިސްޓުގައި ތިބި މީހުން، ފަހުން ނެރުނު ލިސްޓުގައި ޝަރުތު ހަމަނުވާ ކަމަށް ކަނޑައެެޅީ ކުރީ ސަރުކާރުން ފުލެޓް ދިނުމަށް ހެދި އުސޫލު ބަދަލުކުރުމަށްފަހު ކަމަށެވެ. އެ އުސޫލު ބަދަލު ނުކުރާނެ ކަމަށް މި ސަރުކާރުން ކުރިން ބުނެފައިވާ ކަމަށް އަލީ ހުސައިން ވިދާޅުވި އެވެ.
”މި މުއާމަލާތަކީ ހަގީގަތުގައި ނިމިފައި އޮތް މުއާމަލާތެއް. 4000 ފުލެޓު އެވަނީ 4000 މީހުންނާ ހަވާލުކޮށް ނިމިފައި. އެއީ އުސޫލުގައި ބުނާގޮތުން އެގްރީމެންޓް ވެވޭ ހިސާބުން ފުލެޓު އެއޮތީ ހަވާލުކުރެވިފައި.“ އަލީ ހުސެއިން ވިދާޅުވި އެވެ.
”އެހެންވީމާ ގާނޫނީ ގޮތުން އެ ފުލެޓު ހައްގުވާ ފަރާތާ ހަވާލުކުރުމަށް ފަހު އެ ފުލެޓު އަނބުރާ ސަރުކާރަށް އަތުލެވޭނެ ހަމައެކަނި ގޮތަކީ ކޯޓަށް ގޮސްގެން. ކޯޓުގެ ތިން މަރުހަލާ ނިންމައިގެން ނޫން ގޮތަކަށް މި ފުލެޓުތަކެއް ހަގީގަތުގައި ސަރުކާރަށް އަތެއް ނުލެވޭނެ،“
ފުލެޓް ގެއްލުނު މީހުންގެ ތެރެއިން އެ މައްސަލައިގައި ދަައުވާ ކުރަން ބޭނުންވާ މީހުންނަށް ފަހި ޔޫނިއަންގެ ފަރާތުން ގާނޫނީ އެހީތެރިކަން ފޯރުކޮށްދޭނެ ކަމަށް އަލީ ހުސެއިން ވިދާޅުވި އެވެ. ސަރުކާރުން ބޭނުންވާ އިރަށް މީގެ ކުރިން ދެ ފަރާތުން އެއްބަސްވުމެއް ހަދައި ސޮއިކޮށްފައިވާ އެއްބަސްވުމަކާ ހިލާފުވެ، ފުލެޓް އަތުނުލެވޭނެ ކަމަށް އޭނާ ވިދާޅުވި އެވެ.
ސަރުކާރުން ހަދާފައިވާ އެއްބަސްވުމަކާ ސަރުކާރުން ހިލާފުވުމަކީ ދަށު ދަރަޖައިގެ އަމަލެއް ކަމަށް އަލީ ހުސެއިން ވިދާޅުވި އެވެ.
11 Comments
ގުޅުންހުރި
ފަނޑިޔާރުންނަށް ޖަވާބުދާރީވުމުގެ ފުރުސަތު ނުދިނުމުން އަލީ ހުސެއިން: އިބިލީހަށް ވެސް އެ
ފްލެޓު ލިސްޓަށް ޝަކުވާ ހުށަހެޅުމުގެ މުއްދަތު އަންނަ މަހު 15އަށް އިތުރުކޮށްފި
ކުރީގެ ލިސްޓުގައި ނެތް މީހެއް އާ ލިސްޓަކަށް ނުލަން، އެކަމަކު އުސޫލު
ކުރިން ނެރެފައިވާ ލިސްޓުގެ ބޭރުން 577 މީހަކަށް މި ސަރުކާރުން ފްލެޓް
ފިޔަވަޅު އަޅަން އެދުމުން އަލީ ހުސެއިނަށް ރައްދު ދީފި؛ ފިތުނަ އުފައްދަން
މިއީ ނުފޫޒެއް ނެތި ފްލެޓް ލިބޭ މީހުންގެ ލިސްޓެއް ނެރުނު ފުރަތަމަ