އީރާނާ ގުޅި، އިޒްރޭލާއި އެމެރިކާއާ ދެކޮޅަށް ޔަމަނުން ހަނގުރާމަ އިއުލާންކޮށްފި

ޔަހޫދީ އިޒްރޭލާއި އެމެރިކާއާ ދެކޮޅަށް އީރާނުން ކުރަމުންދާ ހަނގުރާމައިގައި އެ ގައުމާ ގުޅުނުކަން ޔަމަނުން ރަސްމީކޮށް އިއުލާންކޮށްފި އެވެ.

ޔަމަނުން އެކަން ރަސްމީކޮށް އިއުލާން ކުރީ އެ ގައުމުގެ އަސްކަރީ ފައުޖުތަކުގެ ތަރުޖަމާން ބްރިގޭޑިއާ ޖެނެރަލް ޔަހްޔާ ސާރީގެ އަމިއްލަ ސޯޝަލް މީޑިއާ އެކައުންޓުގައި ހިއްސާކުރި ބަޔާނެއްގަ އެވެ.

”އިޒްރޭލާއި އެމެރިކާއާ ދެކޮޅަށް ކުރަމުންދާ ހަނގުރާމައަށް ޔަމަނުން ރަސްމީކޮށް މި ވަންނަނީ، އަހަރެމެންގެ އިހުސާސްގައިވާ ސަރަހައްދުތަކުން ހުރިހާ ބޯޓުތައް ނެރޭ،“ ބްރިގޭޑިއާ ޖެނެރަލް ޔަހްޔާ ސާރީ ވިދާޅުވެފައިވެ އެވެ.

ބްރިގޭޑިއާ ޖެނެރަލް ޔަހްޔާ ސާރީ މިހެން ވިދާޅުވެފައި މިވަނީ، އިޒްރޭލުން ޣައްޒާ، ލުބުނާން، ސީރިއާ، އަދި އެހެން އަރަބި އަދި އިސްލާމީ ގައުމުތަކަށް އިޒްރޭލުން ދޭ ހަމަލާތައް ކުށްވެރިކޮށް ޔަމަނުގެ އަސްކަރީ ފައުޖުތަކުން އިއްޔެ ރަސްމީ ބަޔާނެއް ނެރެފައި ވަނިކޮށެވެ.

އެ ބަޔާނުގައި ބުނެފައިވަނީ އެމެރިކާގެ އެހީތެރިކަމާއި ބައިވެރިވުމާއެކު އިޒްރޭލުން ސަރަހައްދުގެ ސުލްހަ ނަގާލަމުން އަންނަ ކަމަށެވެ.