ވެލާނާ އިންޓަނޭޝަނަލް އެއާޕޯޓް (ވީއައިއޭ)ގެ އާ ފަސިންޖަރު ޓާމިނަލްގައި ހިދުމަތް ދޭނީ 100 ޕަސެންޓް ދިވެހި ޒުވާނުން ކަމަށް މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް)ގެ ސީއީއޯ އަދި މެނޭޖިން ޑިރެކްޓަރު އިބްރާހިމް ޝަރީފު މުހައްމަދު ވިދާޅުވެއްޖެ އެވެ.
ޕީއެސްއެމްގެ ހޭޔަންބޯ ޕްރޮގްރާމުގައި ވާހަކަދައްކަވަމުން ޝަރީފު ވިދާޅުވީ, މި މަހުގެ 26 ގައި އާ ޓާމިނަލް ހުޅުވަން ތައްޔާރުވަމުން އަންނައިރު އެ ތަނަށް ބޭނުންވާ މުވައްޒަފުން މީގެ ހަ މަސް ކުރިން ތަމްރީން ކުރަން ފަށައި, އެ މަސައްކަތް އެއްކޮށް ނިމިފައިވާ ކަމަށެވެ. އެގޮތުން ބައެއް މުވައްޒަފުން ރާއްޖެއިން ބޭރުންވެސް ތަމްރީން ހަދާފައިވާކަން ފާހަގަކުރެއްވި އެވެ.
”އަޅުގަނޑު ވަރަށް އުފާވެ ފަހުރުވެރިވާ ކަމެއް މިހާ ޓެކްނޮލޮޖީ އެޑްވާންސް ފެސިލިޓީއެއް ރަންކުރަން މިތިބީ 100 ޕަސެންޓް މަށް ދިވެހިން. ހާއްސަކޮށް ޒުވާން ދިވެހިން. އިރާދަކުރެއްވިއްޔާ އަޅުގަނޑުމެންގެ މުސްތަގުބަލު ވަރަށް އުޖާލާ. އަޅުގަނޑު މިއަށްވުރެ އުފާވާ ކަމެއް ނެތް. 100 ޕަސެންޓް ޒުވާން ދިވެހި ކުދިން މި ކަންތައްތަކުގައި އުޅެ, ޓެކްނިކަލީ އެންމެ ހައި ލެވެލްގައި މަސައްކަތް ކުރަނީ,“ ޝަރީފު ވިދާޅުވި އެވެ.
އޭނާ ވިދާޅުވީ, ރައީސް ޑރ. މުހައްމަދު މުއިއްޒު ވެރިކަމުގެ ހުވާ ކުރެއްވުމުގެ ކުރިން އެންމެ ފުރަތަމަ ޒިޔާރަތް ކުރެއްވި މަޝްރޫއުއަކީ އާ ޓާމިނަލްގެ މަޝްރޫއު ކަމަށާއި އެ ޒިޔާރަތަށްފަހު އެ މަނިކުފާނު އެންމެ އިސްކަމެއް ދެއްވި މަޝްރޫއުއަކީވެސް އެއީ ކަމަށެވެ. އެހެންކަމުން އޭނާ އެމްއޭސީއެލްގެ މެނޭޖިން ޑިރެކްޓަރުގެ މަގާމުގައި ހުންނެވި ނަމަވެސް އެކަމުގެ މޭސްތިރިއަކީ ރައީސް މުއިއްޒު ކަމަށް ވިދާޅުވި އެވެ.
6 Comments
ގުޅުންހުރި
އިންޓަނޭޝަނަލް ފެންވަރަށް ކައްދޫ އެއާޕޯޓު ތަރައްގީކުރަން ހަވާލުކޮށްފި، 2028 އަށް ނިންމަނީ
އެމްއޭސީއެލް އިންވެސް ރަސްމާލެ ހިއްކަން ފަށަނީ, މިއީ އެތަން ހިއްކަން ހަވާލުވާ
އެމްއޭސީއެލް މުވައްޒަފުންނަށް މި އަހަރުވެސް ބޯނަސްގެ ގޮތުގައި 25،000 ރުފިޔާ
ގުރައިދޫގައި އެއާޕޯޓް އަޅަން ހަވާލުކޮށްފި، 2027 ވަނަ އަހަރުގެ މިނިވަން ދުވަހު
ވީއައިއޭގެ އާ ޓާމިނަލުން އިންޑިއާގެ އެންމެ ބޮޑު އެއާލައިނަށް ހިދުމަތް ދޭން
ވިލުފުށި އެއާޕޯޓުގެ އަމަލީ މަސައްކަތް ފަށައިފި، ރައީސް ވައުދުވީ 30 މަސް