ސަރުކާރުގެ ފަރާތުން މިނިވަން މުއައްސަސާތަކަށް އައްޔަންކުރަން ރައްޔިތުންގެ މަޖިލީހަށް ނަން ފޮނޮވުމުން، އެމްޑީޕީގެ މަގުސަދަކަށް އަބަދުވެސް ވަނީ އެ ބޭފުޅުންގެ އަބުރު ކަތިލުން ކަމަށް ޕީއެންސީގެ ޕީޖީ ލީޑަރު، އިނގުރައިދޫ ދާއިރާގެ މެންބަރު އިބްރާހިމް ފަލާހު ވިދާޅުވެއްޖެ އެވެ.
މަޖިލީހުގެ މިއަދުގެ ޖަލްސާގައި ވާހަކަދައްކަވަމުން ފަލާހު ވިދާޅުވީ ރާއްޖޭގެ މިހާރުގެ ހާލަތަށްބަލާއިރު ކޮމިޓީތަކުގައި މަސައްކަތް ކުރައްވާ މެމްބަރުން ސޯޝަލް މީޑިއާއާ މެދު ވަރަށް ބޮޑަށް ވިސްނަވަންޖެހިވަޑައިގަންނަވާ ކަމަށެވެ.
ފަލާހު ވިދާޅުވީ ކޮމިޓީއަކަށް ނުވަތަ ކޮމިޝަން، ނޫނީ މުއައްސަސާއަކަށް މީހަކު ނަގަން މަޖިލީހުގެ ކޮމިޓީއަށް ނަންތައް އަންނަ ކަމަށާއި ވަކި ބަޔަކު ބޭނުންވާ މީހަކު ނެގުމަށް ނުވަތަ ވަކި ބަޔަކު ބޭނުންވާ މީހަކު ކަޓުވާލުމަށް ސޯޝަލް މީޑިއާގައި އޭގެ ތެރެއިން ބައެއް މީހުންގެ އަބުރު ކަތިލުމުގެ މަސައްކަތް އެމްޑީޕީން އަބަދުވެސް ކުރާ ކަމަށެވެ.
”މިސާލަކަށް 4 ނޫނީ 5 ނަމެއް އައީމަ، އެތަނުން ކޮންމެވެސް ނަމެއް ކަޓުވާލާން ބޭނުންވަނީ. އެކަން ކުރަނީ ގިނަ ފަހަރަށް އެމްޑީޕީން. އެއީ ވަރަށް ދެރަ ކަމެއް،“ ފަލާހު ވިދާޅުވިއެވެ.
ފަލާހު ވިދާޅުވީ ކޮންމެ މީހެއްގެ ވެސް އަބުރަކާއި އިއްޒަތެއް އޮންނާނެ ކަމަށާއި އެމްޑީޕީން ކަންތައް ކުރަނީ ދެރަވަރުކޮށް ކަމަށެވެ. ކޮމިޓީގައި މީހެއްގެ އަބުރު ކަތިލާލުމުގެ ބަދަލުގައި މަސައްކަތް ކުރަންވާނީ ހަގީގަތާ އެއްގޮތަށް ކަމަށް ފަލާހު ވިދާޅުވި އެވެ.
2 Comments
ގުޅުންހުރި
ނުރައްކާތެރިކޮށް ވެހިކަލް ދުއްވާނަމަ 20 އަހަރަށް ޖަލަށްލެވޭ ގޮތް ހަދަނީ
ކައުންސިލްތަކުގެ ސައިޒް ކުޑަކުރުމަށް މަޖިލީހުން ފާސްކޮށްފި
އަނބިމީހާއަށް 15،000 ރުފިޔާ ދޭންޖެހޭ، އަތަކު އެކައްޗެއް ވެސް ނޯވޭ: އައްބާސް
ކުރީގެ ނައިބު ރައީސުންނަށް މަހަކު 25,000ރ. އިނާޔަތެއް ދޭން ސަރުކާރުގެ ފަރާތުން
ބޭސްފަރުވާއަށް ރާއްޖޭން ބޭރަށް ދަނީ ދީލަތުވުމުން: ނާޒިމް
ޕީއެންސީއަށް ސޮއިކުރިތާ މަހެއް ނުވެ، މަހުލޫފަށް ޖަޕާނުގެ ސަފީރުކަން ދެނީ