މާލެއިން 932 ބިދޭސީން ޗެކުކޮށް، ގަވާއިދާ ހިލާފަށް އުޅެމުންދިޔަ 81 ބިދޭސީއަކު އަތުލައިގެންފި

މާލެ އިން 932 ބިދޭސީން ޗެކުކޮށް، ގަވާއިދާ ހިލާފަށް އުޅެމުންދިޔަ 81 ބިދޭސީއަކު މޯލްޑިވްސް އިމިގްރޭޝަންގެ ބެލުމުގެ ދަށަށް ގެންގޮސްފި އެވެ.

ގަވާއިދާ ހިލާފަށް ރާއްޖޭގައި ވިޔަފާރިކޮށް، ސައްހަ ވިސާއެއް ނެތި އުޅެމުންދާ ބިދޭސީން އަނބުރާ އެ މީހުންގެ ގައުމުތަކަށް ފޮނުވާލުމަށް އިއްޔެ ކުރިއަށް ގެންދިޔަ އޮޕަރޭޝަނަކީ ފުލުހުންނާއި އިމިގްރޭޝަނުން ގުޅިގެން ހިންގި އޮޕަރޭޝަނެކެވެ.

އެ އޮޕަރޭޝަންގައި 463 ވިޔަފާރިއެއް ވެސް ޗެކުކޮށްފައިވެ އެވެ.

މި އޮޕަރޭޝަންގައި ފުލުހުންގެ އެންޓި ހިއުމަން ޓްރެފިކިން ޑިޕާޓްމަންޓްގެ އިތުރުން ސްޕެޝަލިސްޓް އޮޕަރޭޝަންސް، ޑްރަގް އެންފޯސްމަންޓް، ގޭންގު ކްރައިމް އަދި މާލެ ޕޮލިސް ކޮމާންޑުން ބައިވެރިވި އެވެ.