މައްޗަންގޮޅިގެ ސަރަހައްދަކުން މާދަމާ ކަރަންޓް ކެނޑިދާނެ

ސްޓެލްކޯގެ ކަރަންޓުގެ ވިއުގަ އަޕްގްރޭޑް ކުރުމުގެ މަސައްކަތެއް ކުރާތީ މާލޭގެ މައްޗަންގޮޅީގެ ސަރަހައްދަކުން މާދަމާ ކަރަންޓް މެދުކެނޑުމަކީ އެކަށީގެންވާ ކަމެއް ކަމަށް އެ ކުންފުނިން ބުނެފިއެވެ.

ކަރަންޓުގެ ހިދުމަތް މެދުކެނޑިދާނެ ކަމަށް އަންގައި ސްޓެލްކޯ އިން ނޯޓިސް ނެރެފައިވަނީ މައްޗަންގޮޅީ ކުދީނާ ގޯޅި އަދި ދިލްބަހާރު މަގު ހިމެނޭ ސަރަހައްދަށެވެ.

ސްޓެލްކޯގެ ނޯޓިސްގައި ބުނެފައިވާ ގޮތުން ކަރަންޓު މެދުކެނޑިދާނެ ކަމަށް ބެލެވެނީ މާދަމާ ހެނދުނު 10 އާއި 12 އާ ދެމެދުގެ ވަގުތެއްގައެވެ. އެހެންކަމުން އެކަމުގެ ސަބަބުން ދިމާވެދާނެ ދަތިތަކަށް އެ ކުންފުނިން ވަނީ މައާފަށް އެދިފައެވެ.