ސަރުކާރުގެ ހަރަދުގައި އަންނަ އަހަރު ހައްޖަށް ފޮނުވާ 50 ފަގީރުން މިއަދު ހޮވައިފި އެވެ.
ވެރިކަމުގެ ދައުރުގެ ތެރޭގައި 1،000 މީހުން ސަރުކާރުގެ ހަރަދުގައި ހިލޭ ހައްޖަށް ފޮނުވުމަކީ ރައީސް ޑރ. މުހައްމަދު މުއިއްޒުގެ ވައުދުފުޅެކެވެ. އެހެންވެ، އެ ވައުދުގެ ދަށުން ސަރުކާރުގެ ހަރަދުގައި ފަގީރުން ހިލޭ ހައްޖަށް ފޮނުވަން ފެށީ މިދިޔަ އަހަރު އެވެ. މިދިޔަ އަހަރު 50 ފަގީރުން ފޮނުވި އެވެ.
އިސްލާމިކް މިނިސްޓްރީން ބުނީ، ސަރުކާރުގެ ހަރަދުގައި އަންނަ އަހަރު ހައްޖަށް ފޮނުވާ ފަގީރުން ހޮވާފައިވަނީ 2024 ވަނަ އަހަރުގެ ޑިސެމްބަރު މަހުގެ ތެރޭގައި ޒަކާތު ހައުސް އިން ރިވިއުކޮށްފައިވާ ފަގީރުންގެ ދަފުތަރަށް ބަލައި ގުރުއަތުލައިގެންނެވެ.
މިއަދުގެ ގުރުއަތުލުމުގައި އަންނަ އަހަރު ހައްޖަށް ފޮނުވާ 50 މީހުންގެ އިތުރުން އެއްވެސް ހާލަތެއް ދިމާވެގެން ގުރުއަތުން ހޮވުނު މީހަކު އުނިވެއްޖެ ނަމަ، ފުރުސަތު ދޭނެ 25 މީހުން ހޮވާފައިވެ އެވެ.
އިސްލާމިކް މިނިސްޓްރީން ބުނީ، ފަގީރުންގެ ލިސްޓުގައި ފަރުޞު ހައްޖު އަދާނުކޮށް ތިބި 376 މީހުން އެބަ ތިބި ކަމަށެވެ.
3 Comments
ގުޅުންހުރި
އެންމެ ގިނަ އަދަދެއްގެ ހާފިޒުން ދަސްވެނިވާ ތާރީހީ ހަފުލާ އަންނަ އާދީއްތަ
ނަގުދު ފައިސާއާއި ކޭޝް ކާޑުން ޒަކާތް ބަލައިގަންނަން ފަށައިފި
ސައުދީ ރަސްގެފާނުގެ ފަރާތުން ދޭ ރޯދަވީއްލުމުގެ ޕްރޮގްރާމް ރާއްޖޭގައި ފަށައިފި
މާދަމާއަކީ މުލަ ރޯދަ ދުވަސް
މައުލޫމާތުދޭން ހާޒިރުނުވުމުން އިސްލާމިކް މިނިސްޓްރީއަށް 700 ރުފިޔާގެ ޖޫރިމަނާއެއް
ހެޔޮއެދޭ ފަރާތަކުން ރ. އަތޮޅުގެ ކޮންމެ ރަށަކުން މީހަކު ހައްޖަށް ފޮނުވައިދެނީ