އަންނަ އަހަރު ނިމޭއިރު ރާއްޖޭގެ ހުރިހާ ރަށެއްގެ ލެބޯޓްރީގައި, އެ ރަށެއްގެ ފެންވަރުގައި ހަދަންޖެހޭ ޓެސްޓުތައް ހެދޭނެ ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ.
ރައީސް މުއިއްޒު, ށ. އަތޮޅަށް މިއަދު ފެއްޓެވި ދަތުރުފުޅުގެ ފުރަތަމަ މަންޒިލެއްގެ ގޮތުގައި, ނޫމަރާއަށް ވަޑައިގެން އެ ރަށުގެ ރައްޔިތުންނާ ބައްދަލުކުރައްވައި ވާހަކަފުޅު ދައްކަވަމުން ރައީސް ވިދާޅުވީ, ސިއްހީ ދާއިރާއަކީ މި ސަރުކާރުން އެންމެ އިސްކަންދީގެން ތަރައްގީކުރާ އެއް ދާއިރާ ކަމަށެވެ. އެގޮތުން އިންސާނީ ވަސީލަތުގެ ގޮތުންނާއި އުމްރާނީ ގޮތުންވެސް ސިއްހީ ދާއިރާއަށް އިސްކަންދީގެން މިހާރުވެސް ކުރިއެރުންތައް ހޯދަމުން ގެންދާ ކަމަށް އެ މަނިކުފާނު ވިދާޅުވި އެވެ.
ރައީސް ވިދާޅުވީ, ރަށްރަށުގެ ސިއްހީ މަރުކަޒުތަކުން ލެބޯޓަރީގެ ހިދުމަތް ދިނުމަށް އެދެމުންދާ ކަމަށާއި ކުރިއަށް އޮތް ދެ އަހަރުގެ ތެރޭގައި ބޭނުންވާ ވަސީލަތްތަކާއެކު ރާއްޖޭގެ ހުރިހާ ރަށެއްގައި ލެބޯޓްރީ ހައްދަވައިދެއްވާނެ ކަމަށެވެ. އޭގެ ދަށުން ނޫމަރާގައި މިހާރު ހުރި ލެބޯޓަރީއަށް ބޭނުންވާ ހުރިހާ ވަސީލަތެއްވެސް ހަމަކޮށް ނިންމައިދެއްވާނެ ކަމަށް ރައީސް ވިދާޅުވި އެވެ.
ރައީސް މިއަދު ނޫމަރާއަށް ކުރެއްވި ދަތުރުފުޅަކީ ރަސްމީ ހައިސިއްޔަތުން އެ މަނިކުފާނު އެ ރަށަށް ކުރެއްވި ފުރަތަމަ ދަތުރުފުޅެވެ. ނަމަވެސް ފެބްރުއަރީ 2024 ގައި ށ. އަތޮޅުގައި މީހުން ދިރިއުޅޭ ބައެއް ރަށްރަށަށް ރައީސް ކުރެއްވި ދަތުރުފުޅުގައި ނޫމަރާ ކައުންސިލް އަދި އ.ތ.މ ކޮމިޓީގެ މެންބަރުންނާ ބައްދަލުކުރެއްވި އެވެ.
ގުޅުންހުރި
އެލައިޑް ތަކާފުލްގެ ”ފަޔާ ތަކާފުލް“ މިހާރު އޮންލައިންކޮށް, އަވަހަށް އަދި ފަސޭހައިން
ޓްރަމްޕަށް އިޒްރޭލުގެ އެންމެ މަތީ ޝަރަފު ދޭން ނިންމައިފި
މާލެ ވަޑައިގެންނެވިތާ ހަފުތާއެއް ނުވެ ރައީސް އަނެއްކާވެސް އަތޮޅުތެރެއަށް
އިންސާނުންގެ ގުނަވަން ޓްރާންސްޕްލާންޓު ކުރުމާ ގުޅޭ ބިލެއް ސަރުކާރުން މަޖިލީހަށް ހުށަހަޅައިފި
ރިޝްވަތަށް އެދުނު މައްސަލައެއްގައި ކަސްޓަމްސްގެ ކުރީގެ އިސް އޮފިސަރަކަށް ދައުވާކުރަނީ
ރައީސްގެ ނަސޭހަތް: ބިޒީ ވިޔަސް އަޅުކަމަށް ވަގުތު ދޭންވާނެ, ނޫންނަމަ އުފާފާގަތިކަމެއް