އެމީހަކު ބޭނުން މައުލޫއެއްގައި ބޭނުން ހުތުބާއެއް ކިޔާ ނަމަ، ހަމަނުޖެހުން އުފެދިދާނެ ކަމަށް އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވެއްޖެއެވެ.
ޝަހީމް އެހެން ވިދާޅުވެފައިވަނީ، ހުތުބާގެ މައުލޫތަކާ ގުޅިގެން އާންމުންގެ ހިޔާލު ހޯދުމަށް އިސްލާމިކް މިނިސްޓްރީން އިއްޔެ ހުޅުވާލުމުން އެކަމާ ގުޅިގެން ކުރީގެ އުއްތަމަ ފަނޑިޔާރު ޑރ. އަހްމަދު އަބްދުﷲ ދީދީ ދެއްކެވި ވާހަކަތަކަކާ ގުޅިގެންނެވެ.
އަހްމަދު އަބްދުﷲ ވިދާޅުވީ ހުރިހާ މިސްކިތެއްގައި އެއް ހުތުބާއެއް ކޮންމެހެން ކިޔަން ނުޖެހޭ ކަމަށާއި އެ މީހަކަށް ފެންނަ، އެއިރެއްގެ ހާލަތާ ގުޅޭ މައުލޫއަކަށް ހުތުބާ ދިނުމުގެ މިނިވަންކަން އޮންނަންވާނެ ކަމަށެވެ.
އެ ވާހަކަތަކަށް ރައްދުދެއްވުމަށް އެކްސްގައި މިރޭ ކުރެއްވި ޕޯސްޓެއްގައި މިނިސްޓަރު ޝަހީމް ވިދާޅުވީ އަހުމަދު އަބްދުﷲ އަށް ވަރަށް ބޮޑަށް އިހުތިރާމު ކުރައްވާ ކަމަށާއި ނަމަވެެސް އަހުމަދު އަބްދުﷲ ގެ ވާހަކަތައް މި މައުލޫއުގައި ގޯސް ކަމަށެވެ.
ހައްދެއް އިމެއްނެތި އެގޮތަށް އެންމެންނަށް ހުޅުވާލައިފި ނަމަ، ދީނީގޮތުން ނުތަނަވަސް ހާލަތަށް ރާއްޖެ ވެއްޓިގެން ދިޔުމުގެ ބިރު އޮންނާނެ ކަމަށާއި އެކަމަށް ޖާގައެއް ނުދެއްވާނެ ކަމަށް މިނިސްޓަރު ވިދާޅުވިއެވެ.
މިނިސްޓަރު ވިދާޅުވީ އެގޮތަށް ހުޅުވިފައި އޮންނަ ގައުމުތަކުގައި ދީނީ ތަފާތު ފިކުރުތައް އުފެދި، ޖަމާއަތްތައް އުފެދި، އެކި މިސްކިތްތަކުގައި އެކި މަޒުހަބަށް ހުތުބާ ކިޔައި ހަމަނުޖެހުން އުފެދިގެން ގޮސްފައިވާ ކަމަށެވެ. އަދި ރާއްޖޭގައި ހުތުބާ ކިޔުމުގެ ނިޒާމަށް ދުނިޔޭގެ އެހެން ގައުމުތައްވެސް އެނބުރެމުންދާކަން މިނިސްޓަރު ފާހަގަކުރެއްވިއެވެ.
ރާއްޖޭގެ ކުރީގެ ވެރިންނާއި ސަރުކާރުތަކުން ހުތުބާގެ ނިޒާމު ދަމަހައްޓާފައިވަނީ ވަރަށް ރަނގަޅަށް ކަމަށާއި ހުތުބާގެ މައުލޫއަށް ރައްޔިތުންގެ ހިޔާލު ހޯދަނީ މުޖުތަމައަށް އެންމެ ބޭނުންތެރި މަގުން ހުތުބާ ތައްޔާރުކުރަން ކަމަށް ޝަހީމް ވިދާޅުވިއެވެ.




ގުޅުންހުރި
ބިރުވެރިކަމުގައި އާހިރަތް ދުވަހު އުޅޭނީ އަމިއްލަ ނަފުސާ މެދު ކަންބޮޑުވެގެން، ތައްޔާރުވޭ!:
ދުންޔަވީ އެދުންތަކުގައި މަޝްއޫލުވެ, ގާފިލުކަމުގެ ތެރޭގައި ހޭދަކުރާ ޒުވާނުން ދަނީ އިތުރުވަމުން:
ސްކޫލު ބަންދުގައި 7،700 އަށްވުރެ ގިނަ ދިވެހީން އުމްރާއަށް ދާނެ
ޓްރެފިކް ގަވާއިދުތަކަށް އަމަލުކުރުން ވާޖިބު، ދީނުގައި ގެއްލުންދިނުމެއް ނެތް: ހުތުބާ
މިއަދު ބައެއް ދިވެހީން ކަންނެތްވެއްޖެ، މަހަށް ފުރާނެ ދިވެހިން ނުލިބުމަކީ ހިތާމައެއް:
ދުންފަތުގެ އިސްތިއުމާލުކުރުމަކީ ބޮޑު އަނިޔާއެއް، މި ސުންޕާ ވަބާއިން ސަލާމަތްވާންޖެހޭ: ހުތުބާ