ޖިންސީ ފުރައްސާރަކުރި މައްސަލާގައި އެފްއައިޔޫ ގެ ވެރިޔާ ސާޖިދު މަގާމުން ވަކިކޮށްފި

ހަފްތާއަށް މައުލޫމާތު ލިބިފައިވާ ގޮތުގައި ސާޖިދު ޖިންސީ ފުރައްސާރަކުރިކަން ސާބިތުވާ ކަމަށް ނިންމީ، އެމްއެމް އޭއިން ޖިންސީ ފުރައްސާރައިގެ މައްސަލަ ބަލަން އުފައްދާފައިވާ ކޮމިޓީންނެވެ. އަދި އެކޮމެޓީގެ ވަނީ އޭނާ މަގާމުގައި ބަހައްޓަން ނުފެންނަކަމަށްވެސް ނިންމާފައެވެ.

އެހެންކަމުން ސާޖިދު އެމަގާމުން ވަކިކުރީ ކޮމިޓީން ނިންމާފައިވާ ނިންމުމާއި ގުޅިގެންކަމަށް ހަފްތާއަށް ވަނީ މައުލޫމާތު ލިބިފައިއެވެ.

އެފްއައިޔޫގެ އިސްވެރިޔާގެ މަގާމަށް ސާޖިދު އައްޔަންކުރީ މަގާމުގައި އޭރު ހުންނެވި އަބްދުﷲ އަޝްރަފް ރިސްކް އެންޑް ކޮމްޕަލަޔަންސްގެ ވެރިއަކަށް ބަދަލުކުރުމަށްފަހު މިދިޔަ އަހަރުގެ އޮގަސްޓް މަހު އެވެ.

ޖިންސީ ފުރައްސާރައިގެ މައްސަލާގައި ސާޖިދު ސަސްޕެންޑުކުރީ މިދިޔަ ޑިސެމްބަރު މަހުގެ 30 ގަ އެވެ.