އެސްޓީއޯ އަށް މިދިޔަ އަހަރު ލިބުނު ޖުމްލަ އާމްދަނީގެ އަދަދު 15.5 ބިލިއަން ރުފިޔާ އަށް އަރާފައިވާކަން އެ ކުންފުނީގެ ތަފާސްހިސާބުތަކުން ދަައްކައިފި އެވެ.
އެސްޓީއޯ އިން މިއަދު އާންމުކުރި ހިސާބުތަކުން އެނގޭ ގޮތުގައި އެއީ 2024 ގެ އާމްދަނީއާ އަޅާ ބަލާއިރު 98 މިލިއަން ރުފިޔާގެ އިތުރުވުމެކެވެ.
އެސްޓީއޯ އިން ބުނީ، އެ ކުންފުނީގެ މިދިޔަ އަހަރުގެ ވިޔަފާރި ރަނގަޅުވެފައިވާއިރު، އާމްދަނީ އާއި ފައިދާ އިތުރުވެ، ޓެކްސް އަށް ކެނޑުމުގެ ކުރިން މި އަހަރު ވަނީ 910 މިލިއަން ރުފިޔާ ލިބިފައި ކަމަށެވެ. ޓެކުހަށް ކެނޑުމަށް ފަހު، މި އަހަރުގެ ސާފު ފައިދާގެ ގޮތުގައި އެސްޓީއޯ އަށް ލިބުނީ 762 މިލިއަން ރުފިޔާ އެވެ. އެއީ، އޭގެ ކުރީ އަހަރާ އަޅާ ބަލާއިރު ތިން ޕަސެންޓުގެ އިތުރު ވުމެކެވެ.
އެސްޓީއޯގެ 2025 ވަނަ އަހަރުގެ ހަތަރުވަަނަ ކުއާޓަރުގެ ތަފާސްހިސާބުތައްވެސް މިއަދު ވަނީ އާންމުކޮށްފައެވެ. އެ ހިސާބުތައް ދައްކާ ގޮތުން އެ ކުއާޓަރުގައި ޖުމްލަ އާމްދަނީގެ ގޮތުގައި ވަނީ 4.1 ބިލިއަން ރުފިޔާ ލިބިފަ އެވެ. އެއީ ކުރީ ކުއާޓަރާ އަޅާ ބަލާއިރު 8 ޕަސެންޓުގެ އިތުރުވުމެކެވެ.
އެސްޓީއޯއިން ބުނެފައިވަނީ މިއީ މީގެ ކުރީ ކުއާޓަރއާއި އަޅާ ބަލާއިރު 8 އިންސައްތައިގެ އިތުރުވުމެއް ކަމަށެވެ.
ޖުމްލަ އާމްދަނީ އިތުރުވުމުގެ މައިގަނޑު ސަބަބަކީ ކުންފުނީގެ ހުރިހާ ދާއިރާތަކުގެ ވިޔަފާރި ރަނގަޅުވެފައިވުން ކަމަށްވެސް އެ ކުންފުނިންވަނީ ބުނެފައެވެ. އެގޮތުން، ތެލުގެ އާމްދަނީ 4 އިންސައްތައިން އިތުރުވެފައިވާއިރު އެހެނިހެން އާމްދަނީ ވަނީ 19 އިންސައްތައިން އިތުރުވެފައެވެ.
ޖުމްލަ އާމްދަނީ އިތުރުވުމާއެކު ފައިދާގެ ގޮތުގައި ވަނީ 671 މިލިއަން ރުފިޔާ ލިބިފައެވެ. މިއީ މީގެ ކުރީ ކުއާޓަރއާއި އަޅާ ބަލައި އިރު 11 އިންސައްތައިގެ އިތުރުވުމެކެވެ. ހިންގުމުގެ ފައިދާ އޭގެ ކުރީ ކުއާޓަރއާއި އަޅާ ބަލައި 11 އިންސައްތައިން އިތުރުވެ، 322 މިލިއަން ރުފިޔާ ލިބިފައިވެއެވެ.
ފައިނޭންސް ކުރުމުގެ ހަރަދު ކުޑަކުރެވުމާއެކު ޓެކްސްއަށް ކެނޑުމުގެ ކުރިން ވަނީ ސާފު ފައިދާގެ ގޮތުގައި 276 މިލިއަން ރުފިޔާ ލިބިފައެވެ. މިއީ މީގެ ކުރީ ކުއާޓަރއާއި އަޅާ ބަލައި އިރު 20 އިންސައްތައިގެ އިތުރުވުމެކެވެ. ޓެކުހަށް ކެނޑުމަށްފަހު، މި ކުއާޓަރގެ ސާފު ފައިދާގެ ގޮތުގައި ވަނީ 244 މިލިއަން ރުފިޔާ ލިބިފައެވެ.
2025 ވަނަ އަހަރު ކުންފުނީގެ ވިޔަފާރި ރަނގަޅު ވުމާއެކު ޖުމްލަ އާމްދަނީގެ ގޮތުގައިވަނީ 15.5 ބިލިއަން ރުފިޔާ ލިބިފައިވާ ކަމަށާއި މިއީ މީގެ ކުރީ އަހަރާ އަޅާ ބަލައި އިރު 98 މިލިއަން ރުފިޔާގެ އިތުރުވުމެއް ކަމަށް އެސްޓީއޯއިން ވަނީ ބުނެފައެވެ. އާމްދަނީ އިތުރުވުމާއެކު ކުންފުނީގެ ފައިދާ އިތުރުވެ ޓެކްސްއަށް ކެނޑުމުގެ ކުރިން މި އަހަރު ވަނީ 910 މިލިއަން ރުފިޔާ ލިބިފައެވެ. ޓެކުހަށް ކެނޑުމަށްފަހު، މި އަހަރުގެ ސާފު ފައިދާގެ ގޮތުގައި ވަނީ 762 މިލިއަން ރުފިޔާ ލިބިފައެވެ. މިއީ، އޭގެ ކުރީ އަހަރާ އަޅާ ބަލައި 3 އިންސައްތައިގެ އިތުރުވުމެއް ކަމަށްވެސް އެސްޓީއޯއިން ވަނީ ބުނެފައެވެ.
ގުޅުންހުރި