އީރާނާ ދެކޮޅަށް އަސްކަރީ ފިޔަވަޅު އަޅަން ނުވިސްނަން: ޓްރަމްޕް

އީރާނާ ދެކޮޅަށް އަސްކަރީ ފިޔަވަޅުތަކެއް އެޅުމަށް ނުވިސްނާކަމަށް އެމެރިކާގެ ރައީސް ޑޮނަލްޑް ޓްރަމްޕް ވިދާޅުވެއްޖެއެވެ.

ތްރަމްޕް މިފަދައިން ވިދާޅުވެފައި މި ވަނީ، އެމެރިކާގެ އަސްކަރީ އިތުރު މަނަވަރެއް އީރާން ކައިރިއަށް ފޮނުވުމުގެ މަސައްކަތް އެމެރިކާއިން ފަށާފައިވާ ދަނޑިވަޅެއްގައެވެ. އީރާނަށް ޙަމަލާއެއް ދޭން ޖެހިދާނެ ކަމުގެ އިންޒާރު ތަކުރާރުކޮށް ދެއްވަމުންގެންދާ ޓްރަމްޕް ވިދާޅުވީ އީރާނާ އެކު މަޝްވަރާ ކުރުމަށް ބޭނުންވާކަމަށާއި، އީރާނާ ދެކޮޅަށް އަސްކަރީ ފިޔަވަޅު އަޅަން ނުޖެހޭނެ ކަމަށް ޓްރަމްޕް ވަނީ ވިދާޅުވެފައެވެ.

ބުރާސްފަތި ދުވަހު އޮތް ނޫސްވެރިންގެ ބައްދަލުވުމެއްގައި އީރާނާ އެކު މަޝްވަރާ ކުރައްވާނެތޯ ނޫސްވެރިއަކު ކުރި ސުވާލަކަށް ޖަވާބުދެއްވަމުން ޓްރަމްޕް ވިދާޅުވީ އިރާނަށް ވަރުގަދަ ހަމަލާތަކެއް ދިނުމަށް ރާވާފައި ހުރި ކަމަށާއި އެހެންނަމަވެސް އެކަން ބަދަލުވުމުގެ ހާލަތެއް އޮތްކަމަށެވެ،

”އީރާން ނަމަކަށް ކިޔާ ސަރަހައްދަކަށް ބަޔަކު ދަތުރު ކުރަމުން އެބަދޭ، އެކަމުގެ ބޭނުން ހިފަން ނުޖެހޭނެ ކަމަށް ބޮޑަށް ބެލެވެނީ“ އެމެރިކާގެ ރައީސް ޑޮނަލްޑް ޓްރަމްޕް ވިދާޅުވިއެވެ.

އީރާނަށް ޙަމަލާ ދޭން ޖެހިދާނެ ކަމުގައި ވިދާޅުވެ ޓްރަމްޕް އިންޒާރު ދެއްވާފައި ވަނީ، އީރާންގެ ނިއުކްލިޔަރ ހަކަތަ އުފެއްދުމުގެ ޕުރޮގުރާމުގެ ކުރިމަގާ ގުޅޭ ގޮތުން އެމެރިކާއާ އެކު އެއްބަސްވުމެއް އެކުލަވައިލުމަށް އީރާނަށް ބާރު އަޅައި، މަޖުބޫރު ކުރުވުމުގެ ގޮތުންނެވެ. ނަމަވެސް، އީރާނުން ވަނީ ޓްރަމްޕްގެ ބަހުގެ ޙަމަލާތަކަށް ރައްދު ދީފައެވެ. އެ ޤައުމުގެ ޚާރިޖީ ވަޒީރު ޢައްބާސް ޢަރާޤިޖީ ވިދާޅުވީ، އެމެރިކާއިން އީރާނަށް ޙަމަލާ ދީފި ނަމަ، ރައްދުގައި ޙަމަލާ ދިނުމަށް އީރާންގެ ހިތްވަރުގަދަ އަސްކަރިއްޔާގެ ލަޝްކަރުތަކުން ތައްޔާރީ ހާލަތުގައި އޮތް ކަމުގައެވެ.

އެމެރިކާއާއި އިރާނާއި ދެމެދު ވަރުގަދަ ހަގުރާމައެއް ފެށިދާނެކަމުގެ ބިރު ހީވެފައި މިދަނޑިވަޅުގައި އދގެ ސެކްރެޓަރީ އެންޓޯނިއޯ ގުޓަރޭޒްވެސް ވަނީ ނިއުކްލިއާ މަޝްވަރާތައް ކުރިއަށް ގެންދަން އިރާނަށް ގޮވާލާފައެވެ.