ޕީއެންސީ ކެންޑިޑޭޓުންގެ ޕޯސްޓަރުތަކަށް ގެއްލުންދީފި

ސަރުކާރު ހިންގާ ޕާޓީގެ އައްޑޫގެ ކެމްޕެއިންގައި އިސްކޮށް ހަރަކާތްތެރިވެވަޑައިގަންނަވާ ހިތަދޫ އުުތުރު ދާއިރާގެ މެމްބަރު މުހައްމަދު ސިނާން މިއަދު ބައެއް މީޑިއާ ތަކަށް ވިދާޅުވީ، ލޯކަލް ކައުންސިލްތަކުގެ އިންތިހާބާއި އަންހެނުންގެ ތަރައްގީ އަށް މަސައްކަތްކުރާ ކޮމިޓީތަކުގެ އިންތިހާބުގައި އައްޑޫގެ ޕީއެންސީގެ 22 ކެންޑިޑޭޓުންގެ ޕޯސްޓަރުތަކުގައި ބަޔަކު ކަޓަރު އަޅައި ގެއްލުން ދީފައިވާ ކަމަށެވެ.

ލޯކަލް ކައުންސިލް އިންތިހާބަށް އައްޑޫ ސިޓީން ޕީއެންސީގެ ޓިކެޓްގައި ވާދަކުރާ ކެންޑިޑޭޓުންގެ ކެމްޕޭން މިދިޔަ ހޮނިހިރު ދުވަހު ވަނީ ލޯންޗްކޮށްފަ އެވެ. ޕީއެންސީގެ އައްޑޫގެ ކެންޑިޑޭޓުން ކެމްޕޭން ކުރަމުންދަނީ ”ގްރޭޓާ އައްޑޫ“ ސްލޯގަންގެ ދަށުންނެވެ.

ލޯކަލް ކައުންސިލް އިންތިހާބާއި އަންހެނުންގެ ތަރައްގީ އަށް މަސައްކަތްކުރާ ކޮމިޓީގެ އިންތިހާބު އޮންނާނީ އެޕްރީލް މަހުގެ 4 ވަނަދުވަހުއެވެ.