އެމްޑީޕީއަށް ނިސްބަތްވާ މާލޭގެ ދެ ކައުންސިލަރަކު ޕީއެންސީއަށް ސޮއިކޮށްފި

އެމްޑީޕީއަށް ނިސްބަތްވާ މާލޭގެ ދެ ކައުންސިލަރަކު ވެރިކަން ހިންގާ މައި ޕާޓީ، ޕީއެންސީއަށް މިއަދު ސޮއިކޮށްފި އެވެ.

ދިވެހީންގެރާއްޖެ މައި ޖަގަހައިގައި މިރޭ ބޭއްވި ޖަލްސާގައި ޕީއެންސީއަށް ސޮއިކުރި ދެ ކައުންސިލަރަކީ ހެންވޭރު އުތުރު ކައުންސިލަރު އައިޝަތު ނިޒްލީ ރަޝީދާއި ގަލޮޅު މެދު ކައުންސިލަރު މަރިޔަމް ރީހާން ނާޒިމެވެ.

ރީހާންއަކީ މީގެ ކުރީން އެމްޑީޕީ ދެބައިވެ އުފެއްދި ދަ ޑިމޮކްރެޓްސްއަށް ވެސް ސޮއިކުރި ކައުންސިލަރެކެވެ.

ނަމަވެސް އެ ޕާޓީގެ ފުރަތަމަ އެތެރޭގެ އިންތިހާބުގައި ނާއިބު ރައީސް – އަންހެންގެ މަގާމަށް ކުރިމަތިލައިގެން ލިބުނު ނާކާމިޔާބީއަށްފަހު އެ ޕާޓީން އޭނާ ވަކިވި އެވެ. އޭނާ ޑިމޮކްރެޓްސް އިން ވަކިވީ ހުސްވި ޑިސެމްބަރު މަހުގެ ތެރޭގަ އެވެ.

އެ ދެ ކައުންސިލަރުން ޕީއެންސީއާ ސޮއިކުރި ފޯމް ހަވާލުކުރެއްވީ ޕީއެންސީގެ ރައީސް، ރައީސް ޑރ. މުހައްމަދު މުއިއްޒާ އެވެ.