މާލޭގެ މޭޔަރަކު ހޮވުމަށް ބޭއްވި ބައި އިލެކްޝަނުން ޕީއެންސީ ބަލިވީ އެކަށީގެންވާ ވަރަށް މަސައްކަތް ނުކުރެވުމުން ކަމަށް އެ ޕާޓީގެ ޗެއާޕާސަން އަބްދުއްރަހީމް އަބްދުﷲ ވިދާޅުވެއްޖެއެވެ.
މިރޭ ޕީއެންސީގެ އޮފީހުގައި ބޭއްވި ނޫސްވެރިންގެ ބައްދަލުވުމުގައި އަބްދުއްރަހީމް ވިދާޅުވީ އިންތިހާބުގައި އެކަށީގެންވާ ވަރަށް މަސައްކަތް ނުކުރެވުނީ ސަރުކާރުގެ ކަންކަމުގައި މަސައްކަތް ކުރަން ޖެހުމުން ކަމަށެވެ.
އޭނާ ވިދާޅުވީ މި އިންތިހާބުން ލިބުނު ފިލާވަޅުގެ ބޭނުންހިފައިގެން ކުރިއަށް ހުރި އިންތިހާބުތަކުގައި އެ ޕާޓީން މަސައްކަތް ކުރާނެ ކަމަށެވެ.
”މި އިންތިހާބުގެ ނަތީޖާއިން ލިބުނު ފިލާވަޅުގެ ބޭނުން ހިފައިގެން އިރާދަކުރެއްވިއްޔާ އަޅުގަނޑުމެން ކުރިއަށް އޮތްތަނުގައި އިންތިހާބުތައް ކާމިޔާބުކުރުމުގެ މަސައްކަތް މިއަށް ވުރެ ވަރުގަދައަށް ކުރާނެ ކަމުގެ ޔަގީންކަން އަޅުގަނޑުމެންގެ މެމްބަރުންނަށް އަރުވަން،“ އަބްދުއްރަހީމް ވިދާޅުވިއެވެ.
ޕާޓީގެ އާންމު މެމްބަރުންނާ ގާތުން ފާއިތުވި ދުވަސްތަކުގައި މަސައްކަތް ކުރެވިފައިނުވާތީ އަބްދުއްރަހީމް ވަނީ އެކަމަށް މައާފަށް އެދިވަޑައިގެންފައެވެ.
އިންތިހާބުން އާޒިމާ ބަލިވީ ސަރުކާރުގެ ސިޔާސަތު ގޯސްވެގެން ނުވަރަ ރައީސް ޑރ. މުހައްމަދު މުއިއްޒާ މެދު ނުރުހުމެއް އޮވެގެން ކަމަށް ގަބޫލުނުކުރައްވާ ކަމަށް އޭނާ ވިދާޅުވިއެވެ.
އިންތިހާބުން ކާމިޔާބުކުރި އެމްޑީޕީގެ ކެންޑިޑޭޓް އާޒިމަށް ގުޅުއްވައި ރައީސް މުއިއްޒު ވަނީ މަރުހަބާ ދަންނަވައިފައެވެ.
ގުޅުންހުރި
ގްރީނަށް ޖޫރިމަނާއަކާއެކު ފިޔަވަޅު އަޅައިފި، ވެލެންސިއާއިން ނިންމުން ބަލައެއް ނުގަތް
މަރުވި ދެ ގައިދީންގެ ޕޯސްޓްމޯޓަމް ހަދަނީ
ސީރިއާއަށް ދަތުރުުކުރުން ހުއްދަކޮށް، ޓެރަރިސްޓް ލިސްޓުން އެޗްޓީއެސްގެ ނަން އުނިކޮށްފި
މަރުގެ މައްސަލައިގައި ހައްޔަރުކުރި ލަންކާ މީހާ ފިލައިގެން ދާން އުޅުނުކަމުގެ ތުހުމަތު
ބޭބީބަޔޯ ފޯމިއުލާގައި ވިހަ މާއްދާއެއް، ރާއްޖެއަށް އެތެރެކުރުމާއި ވިއްކުން މަަނާކޮށްފި
ގައިދީންނާއި އޮފިސަރުން ވެގެން ހިންމަފުށީ ސްކޫލަށް 130 މޭޒު ޖަހައިދީފި