މިދިޔަ އާދީއްތަ ދުވަހު ބޭއްވި ރައްޔިތުންގެ މަޖިލީހުގެ އިންތިހާބުގައި ބިލެތްދޫ ދާއިރާއަށް ވާދަކުރެއްވި އެ ދާއިރާގެ މިހާރު ވެސް މެމްބަރު އަހުމަދު ހަލީމް (ދޮންބިލެތް) އަށް ގޮނޑި ކާމިޔާބު ނުކުރެވުނީ އެންމެ ނުވަ ވޯޓުގެ ތަފާތުން ކަމަށް އިލެކްޝަންސް ކޮމިޝަން (އީސީ)ގެ ވަގުތީ ނަތީޖާއިން ދައްކައިފިއެވެ.
ބިލެތްދޫ ދާއިރާގައި ވޯޓުލުމުގެ ހައްގު 2،459 މީހަކަށް ލިބުނުއިރު ވޯޓު ލާފައިވަނީ 2،197 މީހުންނެވެ. އޭގެ ތެރެއިން 72 ވޯޓަކީ ބާތިލް ވޯޓެވެ.
އެ ދާއިރާއަށް ވާދަކުރެއްވީ އެމްޑީޕީގެ ފަރާތުން ދޮންބިލެތާއި ޕީއެންސީގެ ފަރާތުން އަހުމަދު އަސްލަމެވެ.
އީސީގެ ވަގުތީ ނަތީޖާ ދައްކާ ގޮތުން އަސްލަމަށް ލިބިވަޑައިގަތީ 1،067 ވޯޓެވެ. ދޮންބިލެތް ހަލީމަށް ލިބިވަޑައިގަތީ 1،058 ވޯޓެވެ. އެހެންކަމުން ދޮންބިލެތް ހަލީމުގެ މައްޗަށް އަސްލަމް ކުރި ހޯދީ ނުވަ ވޯޓުގެ ތަފާތަކުންނެވެ.
އެހާ ކުޑަ ތަފާތެއް އާންމުކޮށް ފެންނަ ވޯޓު ފޮށިތައް އަލުން ގުނުމަށް ޕާޓީތަކުގެ ފަރާތުން އީސީގައި އެދެ އެވެ. ނަމަވެސް މިފަހަރުގެ މަޖިލިސް އިންތިހާބުގައި ވޯޓު ފޮށި އަލުން ގުނުމަށް އެއްވެސް ޕާޓީއަކުން ނުވަތަ ކެންޑިޑޭޓަކު އަދި ފޮނުވައިފައެއް ނުވެ އެވެ.
ގުޅުންހުރި
ގާނޫނޫ އޮތް ގޮތުގެ ސަބަބުން އޭޑީއެޗްޑީ ހުންނަ ކުދިންނަށް ބޭނުންވާބޭހެއް އެތެރެ
ނާޒިމްގެ އަނބިކަނބަލުން ސީއެސްސީއަށް އައްޔަންކުރަނި
އެމްޑީޕީގެ މަގުސަދަކީ މުއައްސަސާތަކައް އައްޔަން ކުރަން ފޮނުވާ މީހުންގެ އަބުރު ކަތިލުން:
ގެވެށި އަނިޔާގެ ތުހުމަތުވާތީ ތޯހާ އެޗްއާރްސީއެމްއަށް އައްޔަންކުރަން ފާހެއްނުވި
ކައުންސިލްތަކުގެ ބާރު ހަނިކުރުމަށް ގާސިމް ތާއިދު ކުރައްވައިފި
މަޖިލިސް މެންބަރެއް މެދުވެރިނުކޮށް ޕެޓިޝަން ހުށަހެޅޭނެ ގޮތް ހަދަނީ