މޯލްޑިވްސް ރެޑް ކްރެސެންޓާއި ވޭސްޓް މެނޭޖްމެންޓް ކޯޕަރޭޝަން (ވެމްކޯ)ގެ އެކަަޑަމީ ގުޅިގެން ކުރިއަށް ގެންދިޔަ ތިން ކޯހެއްގެ ބައިވެރިންނަށް ސެޓްފިކެޓް ހަވާލުކޮށްފިއެވެ.
ވެމްކޯ އިން މިއަދު ބުނީ ރެޑް ކްރެސެންޓާ ގުޅިގެން ހިންގި ސްޓޭންޑާޑް ފަސްޓް އެއިޑް، ބޭސިކް ފަސްޓް އެއިޑް އަދި ސަޕޯޓިވް ކޮމިއުނިކޭޝަން ކޯހުގައި 64 މުވައްޒަފަކު ބައިވެރިވި ކަމަށެވެ.
އެ ތިން ކޯހުގެ ތެރެއިން އެންމެ ގިނަ މުވައްޒަފުން ބައިވެރިވެފައިވަނީ ބޭސިކް ފަސްޓް އެއިޑް ކޯހުގައި ކަމަށާއި އެ ކޯހުގައި 23 މުވައްޒަފުން ބައިވެރިވި ކަމަށް ވެމްކޯ އިން ބުންޏެވެ. ސަޕޯޓިޕް ކޮމިއުނިކޭޝަން ކޯހުގައި 21 މުވައްޒަފަކު އަދި ސްޓޭންޑާޑް ފަސްޓް އެއިޑް ކޯހުގައި 20 މުވައްޒަފަކު ބައިވެރިވި ކަމަށްވެސް ބުންޏެވެ.
”މި ކޯސްތަކުގެ ސަބަބުން ވަޒީފާގެ މާހައުލުގައި އަދި އެހެން ތަންތަނުގައިވެސް ދިމާވާ ހާދިސާތަކުގައި ފުރަތަމަ އެހީ ދިނުމަށް ބައިވެރިންނަށް އެނގިގެންދާނެ“ ވެމްކޯ އިން ބުންޏެވެ.
އެ ކުންފުނިން ބުނީ، އެފަދަ ކޯސްތައް ކުރިއަށް އޮތް ތަނުގައި ވެސް ސިލްސިލާކޮށް ވެމްކޯ އެކަޑަމީން ބާއްވަމުންދާނެ ކަމަށާއި އިތުރު ކޯސްތައް ހިންގުމަށް ތައްޔާރުވަމުން އަންނަ ކަމަށެވެ.

ގުޅުންހުރި
އީދު ކުލަގަދަކޮށް ފާހަގަކުރުމުގެ އިންތިޒާމުތައް ހަމަޖެއްސި ފަރާތްތަކަށް ރައީސްގެ ޝުކުރު
32 ރަށެއްގައި ވެމްކޯގެ ހިދުމަތް ފަށަން ސޮއިކޮށްފި
އެޗްޑީސީގެ ޗެއާމަނަކަށް ހުންނެވި ނާސިފް 4 މަސް ފަހުން މަގާމުން ވަކިކޮށްފި
ވިއްސާރައާ ހެދި ކުނި ނުނެގި ހުރެދާނެ، އެކަމަކު މަގުމައްޗަށް ކުނި ނުނެރި
ހިންމަފުށީގައި ވެމްކޯގެ ހިދުމަތް އިފުތިތާހުކޮށްފި
ސިއްރު ފެންފުށި ރިސޯޓުން ކުނި ނެގުމުގެ މަސައްކަތާ ވެމްކޯއިން ހަވާލުވެއްޖެ