އަނެއްކާވެސް ގެއެއްގެ ތެރެއިން މަރުވެފައި އޮތް މީހަކު ފެނިއްޖެ

މާލޭގެ ގެއެއްގެ ތެރޭގައި މަރުވެފައި އޮތް މީހަކު ފެނިއްޖެއެވެ.

ފުލުހުން މިއަދި ބުނީ ގަލޮޅުގައި ހުންނަ ގެއެއްގައި ހަބަރު ހުސްވެފައި މީހަކު އޮތްކަމުގެ މައުލޫމާތު ރޭ 1:27 އެހާކަންހާއިރު ފުލުހުންނަށް ރިޕޯޓްކޮށްފައިވާ ކަމަށެވެ.

ފުލުހުން ބުނީ އެ މީހާ އައިޖީއެމްއެޗަށް ގެންދިޔައިރުވެސް މަރުވެފައިވާ ކަމަށް ހޮސްޕިޓަލުން މައުލޫމާތު ދީފައިވާ ކަމަށެވެ.

ފުލުހުން ބުނި ގޮތުގައި މަރުވެފައި އޮއްވައި ފެނުނީ ގ. ބިއުޓީ ވިލާ، ދާއޫދު ޖިމްރީޒް، 45އ. އެވެ.

ފުލުހުން އަންނަނީ މި މަރު އިތުރަށް ތަހުގީގު ކުރަމުންނެވެ.

ރޭ ގަލޮޅު ގެއަކުން މަރުވެފައި އޮތް މީހަކު ފެނިފައިވާ އިރު، އިއްޔެ ހަވީރު ވެސް ވަނީ ގަލޮޅުގައި ހުންނަ ގެއަކުން މަރުވެފައި އޮތް މީހަކު ފެނިފައެވެ. އެ މައްސަލަ ވެސް ފުލުހުން އަންނަނީ ތަހުގީގު ކުރަމުންނެވެ.