އިދިކޮޅު މައި ޕާޓީ، އެމްޑީޕީގެ ޓިކެޓުގައި މާލޭ ސިޓީ ކައުންސިލަށް ހޮވުނު އަހުމަދު ރިޝްވާން ސަރުކާރު ހިންގާ މައި ޕާޓީ، ޕީއެންސީއަށް މިއަދު ސޮއިކޮށްފި އެވެ.
މި މަހުގެ 13 ވަނަ ދުވަހު ބޭއްވި މާލެ ސިޓީ ކައުންސިލުގެ މެދު ހެންވޭރު ދާއިރާގެ ބައި އިލެކްޝަން ރިޝްވާން ކާމިޔާބު ކުރެއްވީ 320 ވޯޓާއެކު އެވެ.
އެ ގޮނޑިއަކީ އެ ދުވަހު ބޭއްވި މާލެ ސިޓީ ކައުންސިލުގެ ތިން ދާއިރާއެއްގެ ބައި އިލެކްޝަންގެ ތެރެއިން އެމްޑީޕީއަށް ކާމިޔާބުވި ހަމައެކަނި ގޮނޑި އެވެ. އަނެއް ދެ ގޮނޑި ކާމިޔާބު ކުރީ ކޮންގްރެސް ޕާޓީން ކުރިމަތިލެއްވި ކެންޑިޑޭޓުންނެވެ.
ރިޝްވާން ޕީއެންސީއަށް ސޮއިކުރި ފޯމް އެ ޕާޓީގެ ރައީސް، ރައީސް ޑރ. މުހައްމަދު މުއިއްޒުއާ ހަވާލު ކުރެއްވީ މިއަދު އެވެ. އެކަން އިއުލާންކޮށް ކޮންގްރެސް ޕާޓީން ވަނީ ރިޝްވާނަށް މަރުހަބާވެސް ކިޔައިފަ އެވެ.
އެމްޑީޕީގެ ޓިކެޓުގައި ކައުންސިލަށް ހޮވުނު ރިޝްވާން ކޮންގްރެސް ޕާޓީއަށް މިއަދު ސޮއިކުރި އިރު، އޭނާ ކައުންސިލަރުގެ މަގާމުގެ ހުވާ ކުރައްވާނީ މިރެ އެވެ.
ގުޅުންހުރި
ފުވައްމުލަކާއި އައްޑޫގައި ނުރައްކާތެރި ދެ އެކްސިޑެންޓް އިއްޔެ ހިނގައިފި
ކައުންސިލު އިންތިހާބުގައި އެމްޑީޕީގެ ޓިކެޓުގެ ބޮޑު ޕަސަންޓެއް ޒުވާނުންނަށް
ހަ މަސްތެރޭ ޕީއެންސީން 300 މެންބަރުން ވަކިވި!
އިންވެސްޓްކުރާ މަހުޖަނުންނަށް ރާއްޖޭގައި ދިރިއުޅެން އަގުބޮޑު ގެ އާއި ލުއިތައް ހޯދައި
ރާއްޖޭގައި ޓޫރިސްޓުން ހޭދަކުރާ ދުވަހުގެ އަދަދު 12 ޕަސެންޓު ދަށަށް
އިންވެސްޓްކުރާ މަހުޖަނުންނަށް ރާއްޖޭގައި ދިރިއުޅެވޭ ގޮތް ހެދުމުގެ މަޝްރޫއެއް ފަށައިފި