ނައިބް ރައީސް ހުސެއިން މުހައްމަދު ލަތީފު ޔުގަންޑާގެ ކެމްޕާލާއަށް ކުރެއްވި ދަތުރުގެ ތަފުސީލު ރައީސް އޮފީހުން މިއަދު ހާމަކޮށްފި އެވެ.
ނައިބް ރައީސް ހުސެއިން މި މަހުގެ 17 އިން 23 އަށް ޔުގަންޑާއަށް ކުރެއްވި ދަތުރަކީ އެ ގައުމުގައި ބޭއްވި ނޮން-އެލައިންޑް މޫވްމަންޓް (ނާމް)ގެ 19 ވަނަ ސަމިޓުގެ ގައުމުތަކުގެ އިސްވެރިންގެ ބައްދަލުވުމުގައާއި ”ގްރޫޕް އޮފް 77 އެންޑް ޗައިނާ (ޖީ77)ގެ ދަށުން ބޭއްވި ތިންވަނަ ސައުތް ސަމިޓުގައި ބައިވެރިވެވަޑައިގަތުމަށް ކުރެއްވި ދަތުރެކެވެ.
ރައީސް އޮފީހުން މިއަދު އާންމުކޮށްފައިވާ އެ ދަތުރުފުޅުގެ ހަރަދުގެ ތަފުސީލަށް ބަލާއިރު 983،032.13ރ. އެވެ.
ޓިކެޓު ހަރަދު:
- 3 ބިޒްނަސް ކްލާސް ޓިކެޓް: 346،657.02ރ.
- 7 އިކޮނޮމީ ކްލާސް ޓިކެޓް: 304190.34ރ.
އެހެނިހެން ހަރަދު:
- 10 ބޭފުޅުންގެ ޕޮކެޓްމަނީއަށް: 95،232ރ.
- ފަރިއްކޮޅަށް: 48،736.74ރ.
- ސްޓޮޕްއޯވާއަށް: 18،494ރ.
- އިންސިޑެންޓަލްއަށް: 441.27ރ.
- އެކަމަޑޭޝަން: 169،280.76ރ.
ރައީށް އޮފީހުން ބުނީ ޔުގަންޑާ ސަރުކާރުން ދެ ބޭފުޅެއްގެ އެކޮމަޑޭޝަން ހަރަދު ހަމަޖައްސައި ދެއްވި ކަމަށެވެ.
ރައީސުލްޖުމްހޫރިއްޔާ އަދި އެ މަނިކުފާނުގެ ނައިބު ކުރައްވާ ރަސްމީ ދަތުރުފުޅުތަކަށް ދައުލަތުގެ ބަޖެޓުން ހިނގާ ހަރަދުތަކުގެ މައުލޫމާތު ކޮންމެ ދަތުރުފުޅެއް ނިމޭތާ 15 ދުވަހުގެ ތެރޭގައި ހާމަކުރައްވާ ގޮތަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ނިންމެވީ މިދިޔަ ޑިސެމްބަރު މަހުގެ ތެރޭގަ އެވެ.
ގުޅުންހުރި
ސްޓެލްކޯ އިން ހަދާ އިލެކްޓްރިކް ވެހިކަލް ޗާޖުކުރާ ސްޓޭޝަންގެ މަސައްކަތް ކުރިއަށް
ރާއްޖެ-އިންޑިއާ ގުޅުން ރަނގަޅުވާތީ ނަޝީދު އުފަލުން: އަބަދުވެސް ތިބެންވާނީ އެކުވެރިކަމުގައި
ބޭރު ގައުމުތަކުގައި ތިބޭ ދިވެހިންނަށް ދައުލަތުގެ އެހީތެރިކަން ލިބޭ ގޮތް ހަދާނަން:
ބައްސާމް އެދުނު ގޮތަށް އެޕާޓްމަންޓްތައް ހަވާލުކުރަން ދިން މުއްދަތު ފުލުހުން އިތުރުކޮށްދީފި
އައިއެމްއެފްގެ އެހީއެއް ނުހޯދާނަން، އިންޑިއާ އިން ރާއްޖޭގެ ބުރަ ލުއިކޮށްދޭނެ: ރައީސް
ރައީސާއި ޖައިޝަންކަރާ ބައްދަލު ކުރައްވައިފި، ފުޅާ ދާއިރާއެއްގައި މަޝްވަރާ ކުރެއްވި